Rasijskija prankiery «Vavan» i «Leksus» patelefanavali prezidentu Polščy Andžeju Dudu, vydaŭšy siabie za hienieralnaha sakratara AAN Antoniu Huteryša.
Jany abmierkavali z Dudam prezidenta Ukrainy Uładzimira Zialenskaha, situacyju ŭ Rasii i karanavirus.
Paśla Duda ŭ svaim Twitter paćvierdziŭ, što razmaŭlaŭ z prankierami.
«Padčas razmovy ja zrazumieŭ, što niešta nie tak. Hienieralny sakratar nie vymaŭlaje słova zubrówka tak dobra, choć i hołas byŭ vielmi padobny», — napisaŭ Duda.
U razmovie Duda pahadziŭsia z tym, što Rasija zrabiła vialiki ŭniosak u pieramohu ŭ Druhoj suśvietnaj vajnie, ale dadaŭ, što «prablema ŭ tym, što jany i akupavali našu krainu paśla Druhoj suśvietnaj». Prankiery ž adznačyli, što Ukraina nibyta taksama akupavała niekatoryja polskija terytoryi.
Prankiery prapanavali Dudu «zabrać nazad ukrainskija terytoryi… Lvoŭ i mnohija inšyja». Duda adrazu spytaŭ: «Što, prabačcie… Nie, heta ž Ukraina! Nie, nie, nie. U Polščy taksama razmoŭ niama takich. Ciapier heta častka Ukrainy, i na hetym usio. Nie, nie, nie, takich dyskusij u Polščy niama», — padkreśliŭ prezident.
Raniej niekatoryja ekśpierty vykazvali mierkavańnie, što rasijskija prankiery «Vavan» i «Leksus» karystajucca dapamohaj FSB Rasii.
