Fota Nadziei Bužan

Fota Nadziei Bužan

U telehram-kanale Minharvykankama «Minsk. Aficyjna» źjaviŭsia kamientar nakont situacyi z Čyrvonym kaściołam. Raniej paviedamlałasia, što kaścioł pavinny zapłacić vialikija hrošy.

Čytajcie taksama:

Čyrvony kaścioł vinavaty dziaržavie 156 tysiač rubloŭ padatkaŭ? Vierniki źviartajucca da Łukašenki

«Dla nas heta było niečakanaściu»: pres-sakratar Katalickaj carkvy pra situacyju z Čyrvonym kaściołam

«Čyrvony kaścioł źjaŭlajecca ŭłasnaściu dziaržavy i maje status historyka-kulturnaj kaštoŭnaści Biełarusi, — havorycca ŭ paviedamleńni. — U 2013 hodzie byŭ pieradadzieny z respublikanskaj u kamunalnuju ŭłasnaść horada i na pravie haspadarčaha viadzieńnia zamacavany za KUP «Minskaja spadčyna». U toj ža čas na padstavie damovy, zaklučanaj z pradpryjemstvam, relihijnaja abščyna «Rymska-katalickaja parafija Śviatoha Symona i śviatoj Aleny» atrymała ŭ biazvypłatnaje karystańnie dva abjekty nieruchomaści: dom nastajaciela i budynak kaścioła ahulnaj płoščaj 3,3 tys. kv. m.

U kastryčniku 2017 hoda pačałasia pieršaja čarha rekanstrukcyi katalickaha chrama, padčas jakoj całkam adramantavany budynak plabanii, a taksama rekanstrujavanyja fasady kaścioła, zamienienyja dach i dźviarnyja błoki.

Abjekt zdali ŭ ekspłuatacyju ŭ mai minułaha hoda. Košt rabot skłaŭ bolš za 5,3 młn rubloŭ, ź jakich 94% — heta srodki haradskoha biudžetu, astatniaja častka — hrošy, zaroblenyja padčas respublikanskaha subotnika i srodki «Minskaj spadčyny». Relihijnaja abščyna ŭ finansavańni rabot udziełu nie prymała.

Što tyčycca vystaŭlenych prychodu płaciažoŭ. Zhodna ź dziejučym zakanadaŭstvam, arhanizacyja, jakoj pieradadziena ŭ biazvypłatnaje karystańnie dziaržaŭnaja majomaść, abaviazanaja kampiensavać vydatki pa ziamielnym padatku, padatku na nieruchomaść, a taksama pa naličanaj amartyzacyi.

Na hetaj padstavie prychodu i naličvajucca štomiesiačnyja płaciažy ŭ sumie 14,3 tys. rubloŭ. Z červienia minułaha hoda naličeńni nie apłačvajucca, zapazyčanaść składaje bolš za 166 tysiač rubloŭ.

Клас
Панылы сорам
Ха-ха
Ого
Сумна
Абуральна