Vydaviectva «Halijafy» ładzić haračy rasprodaž knih. Vydaŭcy sfarmavali 53 pary; ź ich 6 — dla amataraŭ histaryčnaj litaratury, 9 — dla dziaciej i padletkaŭ, 24 — dla amataraŭ prozy i non-fikšn, 14 — dla amataraŭ paezii. Druhaja kniha ŭ kožnaj pary kaštuje ŭsiaho dva rubli.
Volha Hapiejeva «Kemeł-Treveł» + Alaksiej Pałačanski «Moj ćvik»
Navatarski raman Volhi Hapiejevaj «Kemeł-Treveł» apisvaje suśviet, dzie suisnavali niekalki rečaisnaściaŭ, himnaŭ, stalic, identyčnaściaŭ. Na hetym fonie razhortvajucca pieršyja žyćciovyja pryhody hałoŭnaj hieraini, jakaja dalokaja ad idealizacyi byłych časoŭ, ad nastalhii. Hety raman — historyja čałaviečaj krochkaści i davieru ŭ epochu žudy i deficytu nie tolki praduktaŭ, ale i pačućciaŭ.
Alaksiej Pałačanski «Moj ćvik». «Pa-biełarusku redka vychodziać knižki, jakija pišucca z takoj śmiełaściu. Narešcie kahości ŭ novaj biełaruskaj litaratury niemahčyma pierakazać. Tonkaja knižka pra toŭsty ćvik». ~Alhierd Bacharevič, budzma.by
Lilija Iljušyna «Kluč daroh. Pačatak» + Jury Stankievič «Bramnik zaŭždy samotny»
U śviecie jość miesca, adkul pačynajucca ŭsie šlachi i darohi. Toj, chto vałodaje Klučom ad jaho, moža abudzić daŭno pasnułyja ściežki ci nazaŭždy zakryć šlach da ščaścia. Džym vyjaŭlaje ŭ sabie zdolnaść kiravać darohami, a ŭ svajho siabra — dar bačyć śmierć. Jany vypadkova daviedvajucca, što niepryjemnaści ŭ ich miastečku — sprava mistara S., viadomaha biznesmena. Voś tolki jak spravicca ź im, kali jon i jość Haspadar Daroh, da taho ž źviazany sa staražytnymi viedźmakami?
Dla dziaciej siaredniaha školnaha vieku.
Jury Stankievič «Bramnik zaŭždy samotny». «Kidać vyklik ciažkaściam, šukać samich siabie i svoj zaniatak — hałoŭny lejtmatyŭ knihi. Kožny čałaviek musić znajści svaju «bramu» i vartavać jaje, kolki jość mocy. Kniha raźličana pieravažna na padletkaŭ, ale budzie cikavaja i ŭsim prychilnikam Juryja Stankieviča». ~Pavieł Abramovič, svaboda.org
Elžbieta Inieŭska «Fierdynand Ruščyc. Hramadzianin Niezaležnaj» + Siarhiej Hvaździoŭ «Kreski da partretaŭ mastakoŭ z Zachodniaj Biełarusi«
Elžbieta Inieŭska «Fierdynand Ruščyc. Hramadzianin Niezaležnaj». Albom daje mahčymaść ažyćciavić padarožža ŭ mienš viadomyja etapy žyćcia i tvorčaści Fierdynanda Ruščyca, zaprašaje spaznać hłybiniu jaho dumak, niepakorlivuju dušu i praniklivy rozum, jakija nie paddavalisia niahodam historyi i čałaviečym słabaściam, ale dazvalali mastaku raźvivacca, kab stać vybitnaj, usiebakova raźvitaj asobaj.
Siarhiej Hvaździoŭ «Kreski da partretaŭ mastakoŭ z Zachodniaj Biełarusi». Mastactvaznaŭčyja zamaloŭki pryśviečanyja jak viadomym žyvapiscam Zachodniaj Biełarusi (Fierdynand Ruščyc, Piotra Sierhijevič), tak i tym, čyje imiony ŭ naš čas akazalisia napaŭzabytymi ci zusim nieviadomymi, što naležali da roznych škoł, nacyjanalnaściaŭ, śvietapohladaŭ, śvietaadčuvańniaŭ.
Heta, badaj što, adna ź pieršych sprob viarnuć u siońniašni dzień cikavyja postaci, jakija istotna dapaŭniajuć (a ŭ niečym i źmianiajuć) našaje ŭjaŭleńnie pra vyjaŭlenčaje mastactva biełaruskaha kraju XX st.
Alaksandr Łukašuk «Viartańnie nacyjanalista» + Jaŭhien Šuniejka «Praśpiekt Niezaležnaści»
Alaksandr Łukašuk «Viartańnie nacyjanalista». Knihu piśmieńnika i publicysta, dyrektara Biełaruskaj słužby Radyjo Svaboda Alaksandra Łukašuka skłali dakumientalnyja daśledavańni biełaruskaj historyi XX stahodździa. Toŭsty falijant źmiaščaje adrazu piać knih, vydadzienych u roznyja časy, piać dakumientalnych daśledavańniaŭ savieckaha pieryjadu historyi.
Jaŭhien Šuniejka «Praśpiekt Niezaležnaści». Daśledavańnie sučasnych tendencyj u jeŭrapiejskim i biełaruskim mastactvie. Aŭtar piša pra Fierdynanda Ruščyca, Lavona Tarasieviča, Alesia Rodzina, Arcioma Rybčynskaha, Uładzimira Straminskaha.
Jurka Lavonny «Pieralivy» + «Drukapisy. Vialikaja impravizacyja»
Jurka Lavonny «Pieralivy». U hetuju knihu ŭvajšli vieršy jak uklučanyja aŭtaram u pryžyćciovyja zborniki, tak i tyja, što drukavalisia tolki ŭ hazietach i časopisach. Upieršyniu publikujecca aŭtabijahrafičnaja charaktarystyka Ju. Lavonnaha, napisanaja na zołku tvorčaha šlachu, u traŭni 1926 h. Kniha raspačynaje sieryju «Śviatłacieni», pryśviečanuju litaratury 20-40-ch hh. XX stahodździa.
«Drukapisy. Vialikaja impravizacyja». Vydańnie pryśviečana rańniamu litaraturnamu avanhardu Biełarusi, a mienavita ekśpierymientalnamu vydavieckamu prajektu 90-ch hadoŭ XX stahodździa — tak zv. «drukapisam», jakija faktyčna stalisia pieršaj avanhardovaj pieryjodykaj biełaruskaj litaratury.
Usie knihi vydaviectva «Halijafy možna nabyć pa adrasie: Niamiha, 3, cokalny pavierch, boks 47 albo praź internet-kramu: http://halijafy.by/