Rasija, mierkavana, sprabavała paŭpłyvać na parłamienckija vybary ŭ Brytanii, publikujučy zdabytyja niesumlennym šlacham kanfidencyjnyja dakumienty, zajaviŭ ministr zamiežnych spraŭ Daminik Raab. U toj ža čas sprob šyrokamaštabnaha ŭmiašańnia brytanski ŭrad nie vyjaviŭ, paviedamlaje BBC.

«Pa vynikach uvažlivaha analizu ŭrad Brytanii pryjšoŭ da vysnovy, što rasijskija subjekty amal sapraŭdy sprabavali ŭmiašacca ŭ parłamienckija vybary ŭ 2019 hodzie šlacham raspaŭsiudžvańnia anłajn niezakonna zdabytych abo atrymanych šlacham uciečak uradavych dakumientaŭ», — paviedamiŭ Daminik Raab u apublikavanym u čaćvier piśmovym adkazie na zapyt deputataŭ Pałaty hramad.

Havorka ŭ zajavie Raaba idzie pra publikacyju pratakołaŭ sustreč pradstaŭnikoŭ brytanskaha ŭrada i administracyi prezidenta ZŠA Donalda Trampa ŭ 2019 hodzie. Na hetych sustrečach abmiarkoŭvaŭsia budučy dahavor ab svabodnym handli, jaki baki majuć namier zaklučyć, kali Brytanija kančatkova vyjdzie ź ES, i ŭ tym liku ab dostupie amierykanskich kampanij na rynak zakupak brytanskaj dziaržaŭnaj sistemy achovy zdaroŭja, NHS.

Dakumienty źjavilisia ŭ sietcy ŭ kastryčniku minułaha hoda, ale šyroka viadoma pra ich stała ŭ listapadzie, kali lidar apazicyjnaj Lejbarysckaj partyi Džeremi Korbin prademanstravaŭ ich na debatach z premjer-ministram Borysam Džonsanam i zajaviŭ, što ŭrad Džonsana «choča pradać NHS amierykancam».

Maskva admaŭlaje svaju datyčnaść da ŭciečak.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?