Brytanija, ZŠA i Kanada sinchronna zajavili pra ataku rasijskaj hrupoŭki chakieraŭ, imavierna, źviazanaj z Kramlom, na miedycynskija łabaratoryi zachodnich krain i sprobu skraści raspracoŭki vakcyny ad Covid-19, paviedamlaje BBC.

Try raźviedsłužby — amierykanskaje Ahienctva nacyjanalnaj biaśpieki (ANB), brytanski Nacyjanalny centr kibierbiaśpieki i kanadskaje Ahienctva pa biaśpiecy kamunikacyj — apublikavali ŭ čaćvier aficyjnyja zajavy, u jakich vinu za chakierskija ataki ŭskłali na hrupoŭku Cozy Bear, viadomuju taksama jak APT29 i Dukes.

Ministr zamiežnych spraŭ Brytanii Daminik Raab asudziŭ, jak jon vykazaŭsia, «biezrazvažnyja dziejańni rasijskaj raźviedki»: «My vykryli siońnia ich kibierataki suprać tych, chto raspracoŭvaje Covid19-vakcynu, jakimi jany padryvajuć žyćciova važnaje supracoŭnictva [ŭsiaho śvietu] ŭ baraćbie z pandemijaj», — skazaŭ jon.

ANB ZŠA ličyć, što rasijskija chakiery źbirali danyja pra raspracoŭku vakcyn. Jakija mienavita navukovyja ŭstanovy atakavali, nie ŭdakładniajecca.

Kreml zajaviŭ, što Rasija nie maje nijakaha dačynieńnia da chakierskich napadaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?