Pryjom dakumientaŭ ad abituryjentaŭ pačynajecca 25 lipienia ŭ biełaruskich VNU. Ab hetym paviedamili karespandentu ahienctva «Minsk-Naviny» ŭ Ministerstvie adukacyi Respubliki Biełaruś.
— Z 25 lipienia maładyja ludzi mohuć padavać dakumienty va ŭstanovy vyšejšaj adukacyi krainy. Sioleta VNU płanujuć pryniać na pieršuju prystupku navučańnia kala 55 tysiač studentaŭ, ź ich bolš za 27 tysiač — na biudžet, — raspaviała kansultant upraŭleńnia vyšejšaj adukacyi viedamstva Rema Hierłoŭskaja.
Pa słovach surazmoŭnicy, u 2020-m płan pryjomu na biudžet u cełym pavialičany. Bolš vakantnych miescaŭ dla tych, chto budzie atrymlivać stypiendyi ad dziaržavy na śpiecyjalnaściach miedycynskaha, naturalna-navukovaha profilu, a taksama piedahahičnych i fizičnaj kultury.
Unutranyja ispyty ŭ VNU projduć z 1 pa 7 žniŭnia. Abituryjentaŭ, jakija buduć zaličany sioleta na biudžet, univiersitety nazavuć nie paźniej za 11 žniŭnia. Tyja, chto pryniaŭ rašeńnie pajści vučycca na płatnaje adździaleńnie, mohuć padavać dakumienty až pa 15 žniŭnia.