35-hadovy haradzieniec Dźmitryj Furmanaŭ byŭ zatrymany 29 maja. Chłopca, jaki byŭ rehijanalnym kaardynataram Śviatłany Cichanoŭskaj, zabrali prosta padčas zboru podpisaŭ. U toj ža dzień byli zatrymany Siarhiej Cichanoŭski i jaho paplečniki.
Dźmitryj Furmanaŭ
U vyniku Furmanavu vystavili abvinavačvańnie — «arhanizacyja hrupavych dziejańniaŭ, jakija hruba parušajuć hramadski paradak» (artykuł 342 Kryminalnaha kodeksa). Užo amal dva miesiacy aktyvist znachodzicca ŭ SIZA №1 Minska na vulicy Vaładarskaha. Pravaabaroncy pryznali jaho palitviaźniem.
Jaho mama i dziaŭčyna 26 lipienia pačynajuć biesterminoŭnuju haładoŭku pad ścienami SIZA.
«My, Volha Furmanava i Volha Karakina, paviedamlajem pra toje, što ŭ 13:00 26.07.2020 pa adrasie h. Minsk, vuł. Vaładarskaha, 2, SIZA №1 abjaŭlajem biesterminovuju haładoŭku ŭ znak pratestu suprać niezakonnaha zatrymańnia i ŭtrymańnia pad vartaj u SIZA №1 Dźmitryja Furmanava i inšych palityčnych źniavolenych pa artykule 342», — havorycca ŭ zvarocie.
Patrabavańnie daviedzienych da adčaju žančyn — vyzvaleńnie palitviaźniaŭ.
