Apošnija niekalki tydniaŭ biełarusy davoli časta kažuć, što ŭ miescach masavaha zboru ludziej pierastaje ci prynamsi pačynaje horš pracavać mabilny internet. Tut.by spytaŭ u apierataraŭ, z čym moža być źviazanaja takaja prablema i što ŭ takim vypadku rabić.
Voś što adkazali apieratary.
A1
— Raboty pa pašyreńni jomistaści sietki ŭ adpaviednaści z patrebami klijentaŭ viaducca kampanijaj na štodzionnaj asnovie. Akramia hetaha, u miescach masavaha zboru ludziej, naprykład «Minsk-Arena» abo Nacyjanalny alimpijski stadyjon «Dynama», pry nieabchodnaści pravodziacca raboty pa pašyreńni jomistaści ŭ momanty pikavaj nahruzki. U pryvatnaści, dla palapšeńnia jakaści suviazi ŭ parku Družby narodaŭ Kampanija A1 zrabiła apieratyŭnuju madernizacyju abstalavańnia, što dazvoliła pavialičyć jomistaść 3G-sietki ŭ piać razoŭ.
Pry hetym, kab paźbiehnuć krytyčnych nahruzak na sietku ŭ miescach vialikaj kolkaści ludziej rekamiendujecca pieravodzić pryłady ŭ Wi-Fi sietki, ździajśniać adkładzienuju adpraŭku abjomnych fajłaŭ, pryjarytezavać pieradaču źviestak z vykarystańniem tekstavych paviedamleńniaŭ, a nie videastryminhu, pa mahčymaści źnižać kolkaść hałasavych vyklikaŭ, rezki rost jakich taksama moža ŭpłyvać na paharšeńnie jakaści mabilnaha internetu. U asobnych vypadkach rekamiendujecca ździajśniać pieraklučeńnie standartaŭ suviazi z 4G na 3G.
life:)
— Masavaja kolkaść ludziej u miescach, dzie raniej takoha nie nazirałasia, — vidavočnaja pryčyna pierahruzki sietki i paharšeńnia jakaści mabilnaha internetu.
My sutykajemsia z takimi situacyjami, adnak jany nie zaŭsiody prahnazavanyja, a kropkavaje ŭzmacnieńnie sietki patrabuje padrychtoŭki. Ciapier my analizujem, što možam zrabić, i pastarajemsia pavialičyć prapusknuju zdolnaść sietki, dzie heta mahčyma. Abanientam možam parekamiendavać sprabavać pieraklučacca pamiž 3G i 4G na smartfonie i karystacca tekstavymi paviedamleńniami, kab zastavacca na suviazi.
MTS
— Sapraŭdy, pry masavaj kolkaści abanientaŭ nahruzka na sietku pavialičvajecca. Mabilnaja suviaź, u adroźnieńnie ad fiksavanaj, nie daje harantyj chutkaści pracy servisaŭ pieradačy źviestak pry pikavych nahruzkach, abanientam nieabchodna heta ŭličvać. Płanavańnie raboty sietki adbyvajecca na padstavie siaredniaj nahruzki, jakuju stvarajuć abanienty, i źviazana z prahnazavanym trafikam. Kali ŭzrovień nahruzki ŭ peŭnych łakacyjach uzrastaje, heta ŭličvajecca ŭ dalejšym pry aptymizacyi pracy sietki.
Što jašče možna zrabić
- Źmianić sietku / apieratara. A mienavita — pasprabavać pieraklučyć sotavuju sietku z 3g na 4g (LTE) ci naadvarot;
- pasprabavać inšy miesiendžar, vykarystoŭvać proksi-siervier;
- ustalavać miesiendžar, jaki pracuje bieź internetu, naprykład, Bridgefy abo FireChat.
Fota na hałoŭnaj staroncy: Alaksandra Pilipovič-Suščyc