MZS paviedamlaje, što siońnia ŭ Ministerstva byli zaprošanyja pasoł Rasii Dźmitryj Mieziencaŭ i daradca-pasłańnik, v. a. kiraŭnika Pasolstva Ukrainy Piotr Urubleŭski.
«Da rasijskaha boku daviedzienaja pradmietnaja infarmacyja ab zatrymanaj pravaachoŭnymi orhanami napiaredadni na terytoryi Biełarusi hrupy rasijskich hramadzian, jakaja naležyć da tak zvanaj pryvatnaj vajskovaj kampanii «Vahniera», — havorycca ŭ paviedamleńni.
U pasła Rasii zapytali hruntoŭnyja tłumačeńni adnosna metaŭ i inšych aśpiektaŭ prybyćcia i znachodžańnia ŭ našaj krainie nazvanaj arhanizavanaj hrupy asob, mnohija členy jakoj majuć dakazany vopyt udziełu va ŭzbrojenych kanfliktach.
Z ulikam paćvierdžanych źviestak ab udziele šerahu zatrymanych u bajavych dziejańniach na terytoryi DNR i ŁNR asobaŭ ukrainskaha pachodžańnia i najaŭnaści taksama ŭkrainskaha hramadzianstva ŭ niekatorych ź ich u Piatra Urubleŭskaha zapytali relevantnuju infarmacyju, jakaja moža być vykarystana dla ŭsiebakovaha analizu i acenki pryčyn ich prysutnaści ŭ Biełarusi, adznačaje MZS
«Prymajučy pad uvahu ŭkazany naściarožvajučy fakt, a taksama praviadzieńnie ŭ sapraŭdny momant u Biełarusi vybarčaj kampanii z ukrainskim bokam dasiahnuta damoŭlenaść ab aktyvizacyi ŭzajemadziejańnia pamiž pamiežnymi viedamstvami
i ŭzmacnieńni pamiežnaha režymu ŭ metach niedapuščeńnia destabilizacyi abstanoŭki ŭ abiedźviuch krainach», — adznačaje MZS.
