U Kramli prakamientavali zatrymańnie rasijan u Biełarusi. Maskva raźličvaje, što ŭsie pravy zatrymanych u Biełarusi rasiejcaŭ buduć vykonvacca, zajaviŭ pres-sakratar prezidenta RF Dźmitryj Piaskoŭ, paviedamlaje TASS.
— Poŭnaj infarmacyi ŭ nas pakul niama. Źviestak ab supraćpraŭnych dziejańniach rasijan, jakija mahli b stać pryčynaj zatrymańnia, niama. Čakajem detalaŭ ad našaha pasła ŭ Minsku i pa linii śpiecsłužbaŭ, — paviedamiŭ žurnalistam pres-sakratar prezidenta Rasii Dźmitryj Piaskoŭ.
Pa jaho słovach, Biełaruś — najbližejšy partnior Rasii, ni pra jakija sproby destabilizacyi nie moža być havorki.
Adkazvajučy na pytańnie, jak Kreml aceńvaje zajavy roznych ekśpiertaŭ u zatrymańniach rasiejcaŭ z PVK «Vahniera» na terytoryi Biełarusi, Piaskoŭ adkazaŭ: «Kali my majem niapoŭnuju infarmacyju, to ekśpierty, napeŭna, naohuł ničoha nie viedajuć, da ŭsich hetych zajavaŭ treba stavicca ź vialikim dopuskam».
Jon taksama zajaviŭ, što razmova prezidentaŭ Rasii i Biełarusi pakul nie płanujecca.