Fota Nadziei Bužan
Pra heta pres-sakratar kiraŭnika krainy paviedamiła padčas naviedvańnia Vilejki 27 lipienia, piša kraj.by.
«My pryznajom, što viasnoj hetaha hoda rejtynh kiraŭnika dziaržavy ŭpaŭ. Viadoma, u pieršuju čarhu heta było źviazana z karanavirusam i niepapularnymi na toj momant mierami. Situacyja vyraŭnoŭvajecca va ŭsim śviecie, ale tady my ŭsie chvalavalisia. Kali vy dumajecie, što ŭsie tady rašeńni prymalisia niejak lohka, to vy hłyboka pamylajeciesia», — skazała jana.
«U našaj krainie tak vybudavanaja sistema ŭłady, što faktyčna za ŭsio niasie adkaznaść adzin čałaviek, i chto heta, my razumiejem. I ŭziać na siabie adkaznaść achviaravać intaresami i tym bolš zdaroŭjem ludziej nichto nikoli ŭ žyćci nie advažyŭsia b. U Pałacy Niezaležnaści prachodzili šmathadzinnyja narady, dzie źbiralisia najbujniejšyja śpiecyjalisty krainy. Jany pravodzili simpoziumy z kalehami, abmiarkoŭvali situacyju.
Hety biedny Karpaŭ [hałoŭny pazaštatny śpiecyjalist Minzdaroŭja pa infiekcyjnych zachvorvańniach], na jaho baluča było hladzieć. Jon chadziŭ pa čyrvonych zonach, navučaŭ, kansultavaŭ pa ŭsich napramkach. Nie spaŭ sutkami, schudnieŭ, napeŭna, na 10 kiłahram i potym pryjazdžaŭ razam z Karanikam [ministr achovy zdaroŭja] u Pałac Niezaležnaści i hadzinami abodva raspaviadali i dakładvali ab situacyi ŭ krainie», — skazała Natalla Ejsmant.
