Rada ES u čaćvier pierahledzieła śpis biaśpiečnych dziaržaŭ, dla ŭjezdu ź jakich krainy-siabry pavinny pastupova źniać epidemijałahičnyja abmiežavańni, i Biełarusi tam niama, piša Radyjo Svaboda.
Novyja dziaržavy ŭ śpis nie ŭnosilisia, a Ałžyr ź jaho vydalili.
Takim čynam, ad 31 lipienia dziaržavam-siabram rekamiendujecca dazvolić ujezd žycharam 12 krain. Heta Aŭstralija, Kanada, Hruzija, Japonija, Maroka, Novaja Ziełandyja, Ruanda, Paŭdniovaja Kareja, Tajłand, Tunis, Uruhvaj i Kitaj pry ŭmovie paćviardžeńnia ŭzajemnaści.
Pierahladajučy śpis dva tydni tamu, ES vyklučyŭ ź jaho Sierbiju i Čarnahoryju. Nastupny pierahlad — praz dva tydni.
Z punktu hledžańnia epidemijałahičnaj sytuacyi, u trecich krainach, dla jakich admienienyja abmiežavańni na ŭjezd, kolkaść novych vypadkaŭ COVID-19 za apošnija 14 dzion i na 100 000 žycharoŭ pavinna być blizkaja da siaredniaj u ES abo nižejšaja.
