Jeŭrasajuz vydzielić 53 młn jeŭra na akazańnie dapamohi biełaruskamu narodu. Pra heta paviedamiła staršynia Jeŭrapiejskaj kamisii Ursuła fon der Lajen u svaim Twitter, pieradaje TUT.BY.

Jana zajaviła, što z 53 młn 2 młn jeŭra pojduć na dapamohu achviaram palityčnych represij i hvałtu z boku pradstaŭnikoŭ ułady Biełarusi, 1 młn jeŭra budzie nakiravany na padtrymku hramadzianskaj supolnaści i niezaležnych miedyja, a astatnija 50 młn biełarusy atrymajuć dla baraćby z karanavirusam, padtrymki sacyjalnych słužbaŭ i biznesu.

Taksama ŭ inšym paviedamleńni ŭ Twitter fon der Lajen adznačyła, što Jeŭrasajuz hatovy padtrymać Biełaruś, jakaja choča pabudavać demakratyju ŭ siabie ŭ krainie, uvieści sankcyi suprać tych, chto vinavaty ŭ hvałcie i represijach suprać hramadzian, a taksama ŭ falsifikacyjach vybaraŭ. Akramia taho, pa słovach staršyni, Jeŭrasajuz padtrymlivaje mirny pierachod respubliki da demakratyi.

Ahienctva Reuters paviedamiła, što, pa słovach staršyni, Jeŭrasajuz raspačnie śpiecyjalnyja miery, kab hrošy atrymała mienavita hramadzianskaja supolnaść krainy, a nie biełaruskija ŭłady.

Клас
0
Панылы сорам
0
Ха-ха
0
Ого
0
Сумна
0
Абуральна
0