Apošniaja hulnia ŭ čempijanacie Biełarusi prajšła 8 žniŭnia, paśla hetaha biełarusam było absalutna nie da futbołu. Pieramoha bresckaha «Dynama» na starcie adboru ŭ Lizie čempijonaŭ prajšła amal nie zaŭvažanaj, toje ž, vidać, čakaje i matčy vyšejšaj lihi.

Na ich možna było čakać prajaŭ salidarnaści z boku fanataŭ, zaŭziataraŭ i navat futbalistaŭ, tamu fiederacyja pryniała rašeńnie pravieści biez hledačoŭ usie matčy na hetym tydni, navat žanočaj lihi.

Anturaž hulni dublujučych składaŭ «Isłačy» i «Šachciora». Fota: FK «Isłač».

Anturaž hulni dublujučych składaŭ «Isłačy» i «Šachciora». Fota: FK «Isłač».

Minuły tur prajšoŭ va ŭsiečanym farmacie — praz «fors-mažornyja abstaviny» byli pieraniesienyja dźvie hulni, jakija pavinny byli prajści ŭ Minsku. Z tych, što byli zhulanyja, adznačym pieramohu «Šachciora» nad bresckim «Dynama», jakaja paralelna ź ničyjej «Niomana» dazvoliła salihorcam adnaasobna zaniać pieršy radok tablicy. Taksama adznačym druhuju zapar pieramohu «Biełšyny» — babrujčanie ŭžo nie apošnija ŭ tablicy.

Voś usie vyniki matčaŭ 21 tura:

  • «Biełšyna» — «Słuck» 4:2 (10, 50, Rekiš; 20, Hlabko; 27, Salimaŭ — 62 (p), Burajeŭ; 82, Hafar)
  • «Šachcior» — «Dynama-Brest» 1:0 (79, Padstrełaŭ)
  • «Viciebsk» — «Isłač» 2:3 (37, Matviejenka; 76, Nazaranka — 13, Jusaŭ; 50, Januš; 65, Makaś)
  • «Enierhietyk-BDU» — «Nioman» 1:1 (12, Śvirepa — 47, Žukoŭski)
  • «Ruch» — «Tarpieda-BiełAZ» 3:3 (16, Hračycha; 65, Šaŭčenka; 78 (p), Vasiljeŭ — 19 (p), Habryeł Ramas; 58, Ancileŭski; 70, Chačaturan) 
  • BATE — «Haradzieja» 1:0 (1, Skavyš) 
  • «Minsk» — «Słavija» — matč pieraniesieny
  • «Dynama-Minsk» — «Smalavičy» — matč pieraniesieny

TURNIRNAJA TABLICA

A ciapier pierachodzim da matčaŭ, jakija musiać prajści z 21 pa 23 žniŭnia. 

«Słuck» — «Dynama-Minsk»

U minčukoŭ hulniavaja paŭza zaciahnułasia: apošni matč byŭ zhulany 1 žniŭnia. Potym byli pieraniesienyja matč čempijanatu sa «Smalavičami» i kubkavy suprać «Krumkačoŭ». 

Vymušanuju paŭzu «Dynama» zabiła sparynhami z kamandami pieršaj lihi, ale heta nie toje, što treba pierad startam u jeŭrakubkach. Matč sa «Słuckam» musić stać pravierkaj bajazdolnaści kamandy Kučuka.

Prahnoz «NN»: pieramoha «Dynama».

«Isłač» — «Šachcior»

«Isłač» nabrała dobry chod, vyjhraŭšy apošnija try matčy, i naŭrad ci ŭ kłubie vielmi abradavalisia dvuchtydniovamu prastoju. Tym bolš pierad sustrečaj ź lidaram tablicy.

«Šachcioru» treba dalej ruchacca bieź Vitala Lisakoviča: toj pierajechaŭ u maskoŭski «Łakamatyŭ». Ale pakul padstaŭ dla pieražyvańniaŭ niama.

Hałoŭnaje pytańnie: ci zmoža Mikałaj Januš praciahnuć svaju halavuju sieryju ŭ matčy suprać svajoj byłoj kamandy?

Prahnoz «NN»: pieramoha «Šachciora».

«Dynama-Brest» — «Biełšyna»

Niahledziačy na «tenisnuju» pieramohu ŭ lizie Čempijonaŭ ź likam 6:3, va ŭnutranym čempijanacie ŭ bresckaha «Dynama» ŭsio drenna. Čempijony pieramahli tolki ŭ adnym ź piaci apošnich matčaŭ, a ŭ tablicy «bieła-sinija» naohuł apynulisia ŭ druhoj pałovie.

Bieraściejcy ŭžo patreniravalisia hulać pry pustych trybunach u matčy Lihi čempijonaŭ. Fota: FK «Dynama-Brest».

Bieraściejcy ŭžo patreniravalisia hulać pry pustych trybunach u matčy Lihi čempijonaŭ. Fota: FK «Dynama-Brest».

Što tyčycca «Biełšyny», to kamanda vyjhrała dźvie hulni, jakija pavinna była vyjhrać, zabiŭšy 7 miačoŭ, i nabliziłasia ščylna da miažy zony vyletu. Zmahańnie praciahvajecca.

Prahnoz «NN»: totał, bolšy za 2.5.

«Enierhietyk-BDU» — «Smalavičy»

«Studenty» zmahli pierarvać zajzdrosnuju suchuju sieryju «Niomana», jakaja skłała cełych dzieviać matčaŭ, i zavajavać ničyju z adnym ź lidaraŭ.

Ciapier pa raskładzie — sustreča sa «Smalavičami», i heta dobraja mahčymaść vyjhrać upieršyniu z pačatku lipienia. Supierniki praź pieranosy nie hulajuć z 1 žniŭnia, a pra kadravy stan paŭtarać niama patreby.

Prahnoz «NN»: pieramoha «Enierhietyka».

«Haradzieja» — «Ruch»

«Ruch» — adna z kamand-niespadziavanak hetaha čempijanatu. Kali šarm minskich «studentaŭ» užo raspuściŭsia, to kamanda Siadniova praciahvaje zmahacca, i navat lepš za druhuju bresckuju kamandu.

U subotu bieraściejcy jeduć u Haradzieju, čyja kamanda vyjhrała ŭsiaho dvojčy ŭ apošnich 16 turach. Za hety čas «Ruch» stolki ž razoŭ prajhraŭ, tamu favaryt vidavočny.

Prahnoz «NN»: «Ruch» nie sastupić.

«Słavija» — «Viciebsk»

Matč hetych kamand 15 turaŭ tamu byŭ prosta tryleram i skončyŭsia epičnym kambekam i pieramohaj «Słavii» ŭ haściach. 

«Słavii» taksama nie paščaściła zhulać dva tydni tamu, tamu prastoj krychu zaciahnuŭsia. Ci zmoža hetym skarystacca «Viciebsk»?

Prahnoz «NN»: totał, mienšy za 2.5.

«Tarpieda-BiełAZ» — «Minsk»

Debiut Vadzima Skrypčanki adkłaŭsia ažno na dva tydni. I simvalična, što jon adbudziecca ŭ hulni z «Tarpieda», jakoje jon letaś treniravaŭ.

Viadoma, što ŭ Žodzinie navat za taki karotki čas amal usio źmianiłasia, ale, mahčyma, dośvied dapamoža Skrypčanku.

Prahnoz «NN»: pieramoha «Tarpieda».

«Nioman» — BATE

I na desiert matč tura, jaki biez hledačoŭ zhubić, na žal, uvieś anturaž.

11 žniŭnia byŭ zatrymany forvard BATE i zbornaj Biełarusi Anton Saroka, paśla jon byŭ asudžany na 7 dzion aryštu. U jaho padtrymku vystupili jak partniory pa kamandzie, tak i futbalisty inšych kamand, a hiendyrektar BATE Michaił Zaleŭski vykinuŭ svaju milicejskuju formu. Sam kłub zatrymańnie svajho futbalista nie prakamientavaŭ.

U vyniku Saroka byŭ adpuščany z žodzinskaha SIZA 14 žniŭnia, pra jahony stan nie paviedamlajecca.

Anton Saroka. Fota: FK «Minsk».

Anton Saroka. Fota: FK «Minsk».

Ale heta nie adzinaja strata BATE: abaronca Zachar Vołkaŭ, datyčny da damoŭnych matčaŭ, dyskvalifikavany na 2 hady fiederacyjaj futbołu. 

Prahnoz «NN»: Naŭrad ci varta čakać mnostva niebiaśpiečnych momantaŭ — heta hulnia, jak kažuć, za 6 bałaŭ. Tamu sprahnazujem totał, mienšy za 2.5.

Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?