Niadaŭna byłaja supracoŭnica «Vitalura» Luboŭ Jermakova raspaviała «Našaj Nivie», što ŭ kulinaryi kramy hatujuć z sapsavanych praduktaŭ, a ŭ cechach vodziacca myšy i tarakany. Ciapier Luboŭ daviedałasia, što «Vitalur» padaŭ na jaje ŭ sud.

Čytajcie: Rabotnica «Vitalura» pakazała, z čaho hatujuć u kulinaryi. Krama: Pravodzim pravierku

«Siońnia milicyjant prynios mnie zajavu ad «Vitalura» i ŭziaŭ maje pakazańni, — raskazała «Našaj Nivie» Luboŭ. — U kramie śćviardžajuć, što ja ich zhańbavała i abyłhała. 

Asabliva im nie spadabaŭsia artykuł «Našaj Nivy», u jakoj dajecca nazva kramy. Abvinavačvajuć pa art. 9.2 KaAP i prosiać pakarać mianie na 30 bazavych vieličyń (810 rubloŭ — «NN»). Dalej spravu adpraviać u sud».

Luboŭ raspaviała, što ŭžo znajšła jašče adnaho kuchara, jaki razam ź joj pracavaŭ u cechu i taksama zvolniŭsia. Jon hatovy być śviedkam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?