Kožny, kaho zvolniać za palityčnuju pazicyju, ci chto zvolnicca sam, moža raźličvać na finansavuju dapamohu. U Fondzie Salidarnaści ŭžo sabrali bolš za 1,7 miljona dalaraŭ.
Źviarnulisia pa dapamohu užo bolš za 420 čałaviek. Paśpieli razhledzieć pakul kala 30 zajavak: hetyja ludzi prajšli vieryfikacyju i čakajuć vypłat. Dapamohu atrymali ŭžo 8 čałaviek — kožnamu vypłacili 1500 jeŭra.
Miechanizm nastupny: čałaviek (zvolnieny ci toj, chto choča zvolnicca) zapaŭniaje zajaŭku praz huhł-formu (voś jana), da jaje dałučaje videa, dzie raspaviadaje, pa jakich pryčynach zvalniajecca. Adna z umoŭ — čałaviek pavinien być hatovy da publikacyi videa.
Kali čałaviek užo zvolnieny, to dałučaje fota adpaviednaha zapisu u pracoŭnaj knižcy. Ciaham niekalkich dzion jaho zajaŭka razhladajecca, ź im źviazvajucca kaardynatary. Dapamohu atrymajuć tolki tyja, čyje zajaŭki projduć vieryfikacyju.
