Sudy nad zatrymanymi 26 červienia ŭdzielnikami łancuhu salidarnaści, jaki adbyŭsia ŭ Viciebsku na praspekcie Budaŭnikoŭ kala HC «Amieha», prajšli ŭ zakrytym režymie na terytoryi izalatara časovaha ŭtrymańnia (IČU). Čatyroch viciablan pryznali vinavatymi pavodle art. 23.34 KaAP: troch pakarali štrafami, adnu ŭdzielnicu papiaredzili, piša Viciebskaja Viasna.

Anastasija HałaviniecJana ŠecikavaAndrej Drobyš i Kanstancin Klemianok byli zatrymanyja 26 červienia padčas akcyi salidarnaści i praviali sutki da sudu ŭ izalatary časovaha ŭtrymańnia. 

Spravy razhladała sudździa Natalla Karablina.

Nasta Hałaviniec, jakaja stajała ŭ «łancuhu ajcišnikaŭ» z čyrvona-zialonym dziaržaŭnym ściaham, atrymała za nibyta parušeńnie zakanadaŭstva ab masavych mierapryjemstvach papiaredžańnie. 22-hadovaja Jana Šecikava trymała padčas akcyi bieł-čyrvona-bieły ściah, i jaje aštrafavali. Supracoŭnik adnoj ź viciebskich IT-kampanij Kanstancin Klemianok pakarany štrafam u 2 bazavyja vieličyni (54 rubli). Andrej Drobyš aštrafavany na 5 bazavych vieličyń (135 rubloŭ).

Padčas akcyi byli taksama zatrymanyja viciebskija žurnalisty Alaksandar Kornyšaŭ i Julija Alaškoŭskaja, ale abaich adpuścili jašče ŭčora z budynka Pieršamajskaha RAUS Viciebska. 

Jak raskazaŭ karespandent vydańnia «Vitiebskij Kuŕjer News» Alaksandar Kornyšaŭ pad «chapun» kala «Amiehi» traplali taksama zusim vypadkovyja ludzi, naprykład hramadzianin Iosif Duleba, jaki znachodziŭsia na adlehłaści 20 metraŭ ad «łancuhu».

Za dva apošnija dni heta była ŭžo druhaja mirnaja akcyja, jakuju razahnali viciebskija supracoŭniki MUS.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?