Učora stała viadoma pra zatrymańnie dvuch televiadučych, zvolnienych za svaje vykazvańni — Dźmitryja Kachno i Dzianisa Dudzinskaha. Žonka Dzianisa, Kaciaryna Rajeckaja, apublikavała post z kamientarami z nahody taho, što adbyłosia:
«Moj muž z tavaryšam pravioŭ noč «na pieratrymcy» na Akreścina, my z Nadziaj Kachno z 9:00 ranicy i ŭvieś dzień płanujem čakać la suda Centralnaha rajona (papiaredniaja infarmacyja!) viestak ab pasiadžeńni, kab sačyć za navinami. Dumaju, ubačymsia tam ź nieabyjakavymi kalehami chłopcaŭ, a taksama našymi siabrami.
Ja prašu vas nie fantaziravać publična na temu dziejańniaŭ, pradjaŭleńniaŭ i inšych padziej. I nie zajmacca samadziejnaściu.
Vielmi važna, kab vašy vykazvańni, ździŭleńni, zaŭvahi… adpaviadali prostamu pryncypu — «nie naškodź». Pabačymsia na vulicy Kirava, i pavodźcie tam siabie prystojna. Dla važnych navin u mianie jość telefon.
Vy viedajecie hetych sumlennych i razumnych ludziej, ich pryncypy, ich staŭleńnie da žyćcia, da ludziej, da prafiesii, jakoj jany pryśviacili dziasiatki hadoŭ. Nieści radaść, uśmichacca, być pobač z hledačami, hulać pa pryhožych miescach horada, śpiavać, fatahrafavacca, raspaviadać cikavyja historyi, natchniać — heta narmalnaja štodzionnaść viadučaha i artysta. Za heta jany nam padabajucca.
Z našymi mužčynami — naša biaskoncaja luboŭ! A sami jany — naš honar i sumleńnie».
