Premjer-ministr Łatvii Kryšjanis Karyńš pacvierdziŭ, što na pasiadžeńni ŭrada abmiarkoŭvaŭsia list u Mižnarodnuju fiederacyju chakieja, dzie jaho kraina zakliča IICHF pieranieści ČS-2021 ź Biełarusi ŭ inšuju dziaržavu, piša delfi.
Pavodle słoŭ premjer-ministra, pazicyja ŭrada nie źmianiłasia.
«My pačynajem pieramovy ź Mižnarodnaj fiederacyjaj chakieja ab pieranosie adnoj častki čempijanatu ź biełaruskaj stalicy ŭ inšaje miesca», — skazaŭ Karyńš.
Raniej Karyńš rastłumačyŭ, što Łatvija choča pravieści čempijanat śvietu 2021 hoda ŭ Ryzie, adnak, uličvajučy situacyju ŭ Biełarusi, premjer-ministr nie bačyć mahčymaści, kab Łatvija mahła pryniać hety čempijanat razam ź Biełaruśsiu.
«Davajcie zakličam IICHF znajści inšuju krainu zamiest Biełarusi. Kali Fiederacyja [IICHF] admovicca i situacyja ŭ Biełarusi nie źmienicca, urad moža vyrašyć, što Łatvija nie budzie ŭdzielničać u chakiejnym čempijanacie 2021 hoda», — padkreśliŭ Karyńš.
