Piśmieńnica Natalla Batrakova patłumačyła na svajoj staroncy ŭ fejsbuku, čamu jana nie budzie brać udzieł u Dni biełaruskaha piśmienstva na svajoj małoj radzimie ŭ Białyničach 6 vieraśnia.
«Idzie vajna z ułasnym narodam, palavańnie na «viedźmaŭ», šerahi jakich moža papoŭnić luby, chto adkryta vykazvaje svaju hramadzianskuju pazicyju, niahledziačy na ŭzrost, zasłuhi, stan zdaroŭja», — napisała Batrakova.
«Białyničy — maja małaja radzima. Ja tam naradziłasia, tam prajšło majo dziacinstva, stanaŭleńnie śvietapohladu, vyprabavanyja pieršyja pieramohi i parazy. Mianie tam lubiać, mnoju hanaracca. Hetak ža, jak ja lublu rodny horad, hanarusia svaimi ziemlakami… Ale ŭ ciapierašniaj situacyi majo sumleńnie nie dazvalaje mnie prysutničać na mierapryjemstvie, dzie staranna buduć rabić vyhlad, što ŭ krainie ničoha nie adbyvajecca… U majoj dušy niama śviata», — rastłumačyła piśmieńnica.
