Fota Alesia Pileckaha
Pra heta zajaviŭ ministr kultury Juryj Bondar u efiry kanała STB, piša Tut.by.
«Pa Kupałaŭskim teatry situacyja asablivaja. Jana niebieznadziejnaja, Ministerstva kultury maje niekalki płanaŭ, jak adnavić pracu Kupałaŭskaha teatra. Ale ja dumaju, što ciapier, viadoma, nieabchodna pačakać, supakoicca, zrabić vysnovy z usioj hetaj situacyi i vyznačycca z madellu adnaŭleńnia dziejnaści Kupałaŭskaha teatra ŭ 2020 hodzie, — zajaviŭ Juryj Bondar.
Telekanał spytaŭ u Bondara, ci zmohuć kupałaŭcy «arandavać scenu biełaruskaha teatra, pradavać kvitki, zarablać»?
— Na tych ža ŭmovach, što i ŭsie astatnija subjekty teatralnaj dziejnaści. U Biełarusi isnuje niekalki niezaležnych teatraŭ, heta značyć teatraŭ, jakija dziejničajuć na ekanamičnych pryncypach i nie atrymlivajuć datacyju z respublikanskaha biudžetu. Napeŭna, hety šlach trupie daviadziecca prajści dla taho, kab zrazumieć, što padtrymka dziaržavy našamu teatralnamu mastactvu — heta asnova siońnia dla paŭnavartasnaha funkcyjanavańnia kalektyvaŭ.
Ja nahadaju, što dziaržaŭnyja teatry atrymlivajuć siońnia subsidyju ŭ siarednim kala 64%. Heta značnyja hrošy. Treba nie zabyvać ab tym, što dziaržava pryviała na vysoki ŭzrovień materyjalna-techničnaje asnaščeńnie biełaruskich teatraŭ. I taho ž Kupałaŭskaha, Vialikaha teatra Biełarusi, abłasnych teatraŭ. Heta vielizarnyja inviestycyi, jakija dazvolili zrabić teatralnyja placoŭki adnymi z najlepšych u Jeŭropie», — skazaŭ Bondar
***
Nahadajem, što z Kupałaŭskaha teatra śledam za zvalnieńniem dyrektara Paŭła Łatuški zvolnilisia 42 akciory. U kalektyvie zastałosia 15 akcioraŭ. U vyniku Kupałaŭski teatr admianiŭ pakazy ŭsich śpiektaklaŭ da kanca listapada.
