Žurnalisty Alaksiej Sudnikaŭ, Nadzieja Kalinina, Śviatasłaŭ Zorki, Alaksiej Šaŭluha, Mikita Niedavierkaŭ, Maryja Elaševič vyjšli na volu z Akreścina paśla troch sutak aryštu.
Nahadajem, siońnia sud im pryznačyŭ pa 3 sutak aryštu. Jany byli zatrymanyja 1 vieraśnia i ŭžo adbyli aryšt.
Reparcioraŭ zatrymali ŭ aŭtorak kala 17:00 u rajonie stadyjona «Dynama» i dastavili ŭ RUUS Kastryčnickaha rajona, jak im było zajaŭlena «dla pravierki dakumientaŭ». Reparciory, nahadajem, paznačanyja sinimi kamizelkami z nadpisam «Presa» na śpinie. Akramia taho, u ich majucca bejdžy z fota i nazvaj vydańnia, jakoje jany pradstaŭlajuć. Žurnalisty vykonvali prafiesijnyja abaviazki i aśviatlali akcyju pratestu, što prachodziła ŭ Minsku.
