Śviatłana Cichanoŭskaja vystupiła pierad Radaj biaśpieki AAN na niefarmalnaj kanfierencyi. Słuchańni pa situacyi ŭ Biełarusi byli arhanizavanyja pa inicyjatyvie Estonii. Cichanoŭskaja paprasiła AAN nakiravać u Biełaruś naziralnuju misiju.
«My prosim AAN asudzić praźmiernaje vykarystańnie siły suprać pratestoŭcaŭ u Biełarusi. Prapanujem pravieści nadzvyčajnaje pasiadžeńnie Rady pa pravach čałavieka AAN pa Biełarusi. Zaklikajem AAN nieadkładna adpravić u Biełaruś mižnarodnuju naziralnuju misiju, kab zadakumientavać situacyju na miescy», — skazała Cichanoŭskaja.
Taksama jana zaklikała ŭvieści sankcyi suprać tych, chto ździajśniaŭ falsifikacyi na prezidenckich vybarach i «złačynstvy suprać čałaviečnaści» pry razhonie pratestaŭ.
