Muziej historyi Mahilova patrabuje adstaŭki Alaksandra Łukašenki i hatovy abjavić strajk. Pra heta kalektyŭ muzieja kaža ŭ adkrytym zvarocie da biełarusaŭ, orhanaŭ vykanaŭčaj i zakanadaŭčaj ułady, piša Tut.by.
Fota: Volha Šukajła, Tut.by
U adkrytym liście rabotniki muzieja historyi Mahilova źviartajucca da hramadzian, ustanoŭ śfiery kultury, orhanaŭ zakanadaŭčaj i vykanaŭčaj ułady.
Jany vystaŭlajuć patrabavańni:
- adstaŭka Alaksandra Łukašenki z pasady prezidenta Respubliki Biełaruś;
- spynieńnie hvałtu i pieraśledu z boku siłavych struktur u adras mirnych hramadzian;
- rasśledavańnie ŭsich vypadkaŭ hvałtu nad mirnymi hramadzianami i pryciahnieńnie da adkaznaści ŭsich vinavatych;
- vyzvaleńnie ŭsich palityčnych viaźniaŭ i zatrymanych padčas hetaj vybarčaj kampanii i mirnych akcyj pratestu hramadzian;
- praviadzieńnie novych, sumlennych i prazrystych vybaraŭ z dopuskam mižnarodnych i niezaležnych naziralnikaŭ i prazrystym padlikam hałasoŭ.
U vypadku nievykanańnia patrabavańniaŭ u dziesiacidzionny termin rabotniki skarystajucca svaim zakonnym pravam na strajk dla vyražeńnia zaniepakojenaści i abarony intaresaŭ.
Pad adkrytym listom padpisałasia u tym liku kiraŭnictva muzieja historyi Mahilova.
Adkryty zvarot skłali ŭ žniŭni, ale publikujecca jon upieršyniu.
