Ministr adukacyi Ihar Karpienka pryniaŭ rašeńnie ŭzmacnić miery biaśpieki navučencaŭ i rabotnikaŭ va ŭstanovach adukacyi.

«Ministr adukacyi siońnia daŭ daručeńni, datyčnyja biaśpieki navučencaŭ, prafiesarska-vykładčyckaha składu, rabotnikaŭ ustanoŭ pry arhanizacyi navučalnaha pracesu i znachodžańni ŭ budynkach, zbudavańniach i na terytoryi ŭstanoŭ adukacyi», — havorycca ŭ paviedamleńni, apublikavanym pres-słužbaj Minadukacyi ŭ subotu.

Zhodna z daručeńniami Karpienki, buduć pryniatyja dadatkovyja miery pa ŭzmacnieńni kantrolu dostupu starońnich asob va ŭstanovy adukacyi, a taksama inšyja miery pa ŭmacavańni režymu biaśpieki ŭ ich, udakładnili ŭ viedamstvie.

Taksama budzie arhanizavana ŭzajemadziejańnie ŭsich zacikaŭlenych słužbaŭ, u tym liku orhanaŭ achovy i pravaparadku, «u metach vykanańnia praktyčnych mierapryjemstvaŭ pa zabieśpiačeńni biaśpiečnych umoŭ znachodžańnia hramadzian va ŭstanovach adukacyi».

«Adpaviedny list nakiravany va ŭsie ŭstanovy adukacyi», — adznačyli ŭ Ministerstvie.

Nahadajem, učora studenty ŭ faje VNU śpiavali pieśni, paśla čaho piać čałaviek žorstka zatrymali i advieźli ŭ Partyzanski RUUS. Rektar paabiacała, što ich viernuć u VNU — tak i adbyłosia. Na chłopcaŭ skłali pratakoły pa art. 23. 34 KaAP («Parušeńnie paradku arhanizacyi abo praviadzieńnia masavych mierapryjemstvaŭ»).

Клас
Панылы сорам
Ха-ха
Ого
Сумна
Абуральна