FK «Dynama-Brest»

FK «Dynama-Brest»

Bresckaje «Dynama» paviedamiła ab skasavańni kantraktu pa ŭzhadnieńni bakoŭ z trenieram bramnikaŭ Vasilom Chamutoŭskim, piša Tut.by.

Chamutoŭski pryjšoŭ u kamandu ŭ žniŭni 2018 hoda. Za hety čas kłub zavajavaŭ tytuł čempijona Biełarusi (2019), a taksama vyjhraŭ Supierkubak krainy (2019, 2020).

«Kalektyŭ futbolnaha kłuba «Dynama-Brest» dziakuje Vasilu za vysoki prafiesijanalizm i samaaddaču ŭ pracy. Pośpiechaŭ u dalejšaj karjery!» — havorycca ŭ zajavie kłuba.

«Siońnia pryjšoŭ moj čas syści. Ja hanarusia, što apošnija dva hady pravioŭ razam z FK «Dynama-Brest». Razam my damahlisia mnohaha! Ja chaču skazać vialiki dziakuj u pieršuju čarhu tym, čyja praca vielmi važnaja, ale nie bačnaja:

— rabotnikam bazy i stadyjona. Vy prafiesijna vykonvajecie vialiki abjom pracy, zabiaśpiečvajučy idealnyja ŭmovy dla trenirovak;

— supracoŭnikam kłubnaha ofisa. Vy zabiaśpiečvajecie efiektyŭnuju pracu ŭsioj struktury kłuba;

— daktaram, masažystam i administrataram. Vy majecie poŭny kantrol nad kamandaj i kirujecie ŭsimi arhanizacyjnymi pracesami;

— asablivaja padziaka našym zaŭziataram! Vy — taja siła, jakaja ruchała nas da pieramoh, asabliva, kali było vielmi ciažka. Tolki vaša viera ŭ nas davała nam upeŭnienaść;

— i, viadoma, hulcam i trenieram. Sumiesnymi namahańniami vy ažyćciaŭlajecie mary ŭsich!

Čempijonstva — heta simbijoz prafiesijnaj pracy mnohich! I ja ŭdziačny ŭsim, z kim daviałosia papracavać na praciahu apošnich dvuch hadoŭ. Nizki pakłon Brestu i ludziam, jakija žyvuć u hetym horadzie, za asablivuju atmaśfieru, jakuju ja adčuvaŭ uvieś hety čas. Vaš horad varty mieć kamandu-čempijona!

Kamandzie zyču ŭdačy ŭ nastupnym raŭndzie Lihi čempijonaŭ i ŭ čempijanacie Biełarusi», — skazaŭ Chamutoŭski.

Adznačym, što trenier aktyŭna vystupaŭ u padtrymku sumlennych vybaraŭ u Biełarusi, zaklikaŭ siłavikoŭ spynić hvałt, a na minułym tydni napisaŭ post u padtrymku bieł-čyrvona-biełaha ściaha.

Клас
Панылы сорам
Ха-ха
Ого
Сумна
Абуральна