14:45

Za apošni čas u rajonie płoščy Jakuba Kołasa zatrymali kala 20 čałaviek.

14:15

Jašče troch chłapcoŭ zatrymali, vyciahnuŭšy z kałony kala kramy «Lanok» na praśpiekcie Niezaležnaści.

Zatrymańni ŭ kałonie pačalisia taksama na vulicy Čyrvonaj kala kramy «Kamunarka», piša «Radyjo Svaboda».

14:05

Kałona studentaŭ idzie ad MDŁU da Kamaroŭskaha rynka.

13:55

U žyły kompleks «Kaskad» pryjechaŭ kiraŭnik Frunzienskaha rajona Siarhiej Škrudnieŭ. Prosić źniać ściahi, jakija miascovyja žychary paviesili na trosy pamiž damami. Užo pryjechała mašyna z pažarnaj leśvicaj i milicyja. Žychary pieraharadzili darohu i nie dajuć pažarnikam zajechać.

13:27

Da MDŁU padjechaŭ mikraaŭtobus biez numaroŭ. Častka studentaŭ adyšła bližej da ŭvachodu ŭ korpus. Siudy pryjechali i aburanyja baćki, ale ich nie prapuścili ŭ budynak.

— Učora dziaciej krucili, a vy stajali i hladzieli! Ubačyli ludziej u maskach — i ŭ štany nakłali! Achova skazała, što z nahody ŭčorašniaha — pretenzii nie da jaje, taja źmiena ŭžo syšła dadomu, — emacyjna kaža mama adnoj sa studentak.

Tym časam chłopcy z natoŭpu žartam pytajucca: «Čamu dziaŭčynkam płaciać bolš, čym chłopčykam? Dzie maje hrošy?» Ludzi da MDŁU ŭsio prybyvajuć. Mašyny sihnalać.

13:20

Kala 15 čałaviek zatrymali i na vulicy Karła Marksa. Siudy dajšła kałona studentaŭ z fakulteta mižnarodnych adnosin BDU, što kala čyhunačnaha vakzała.

Da ich znoŭ padjechali mikraaŭtobusy biez numaroŭ, adkul znoŭ vyjšli nieviadomyja ludzi ŭ maskach i bałakłavach.

***

«Radyjo Svaboda»

«Radyjo Svaboda»

12:25

Baćki studentaŭ MDŁU, kudy ŭčora ŭvarvaŭsia AMAP, sustrakajucca z kiraŭnictvam univiersiteta. La inšych VNU pačynajuć źbiracca studenty.

Zatrymańni adbylisia kala BNTU.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?