«Litva ź Biełaruśsiu! Litva padtrymaje pieramieny ŭ našaj krainie!» — napisaŭ jon u svaim telehram-kanale

U chodzie sustreč u Vilni z pradstaŭnikami vykanaŭčaj i parłamienckaj uładaŭ Litvy abmierkavany mahčymyja varyjanty vychadu z kryzisnaj situacyi ŭ Biełarusi.

Pierad usim, havorka z boku člena Prezidyuma Kaardynacyjnaj rady Paŭła Łatuški išła ab nieabchodnaści zapuścić treki dyjałohu: Rasija — biełaruskaje hramadstva i Jeŭrapiejski Sajuz — dziejučaja ŭłada.

Taksama byli abmierkavanyja pytańni z mahčymaściu vyznačyć mižnarodnuju advakackuju kampaniju, jakaja by zaniałasia analizam faktaŭ ździajśnieńnia šmatlikich złačynstvaŭ u adnosinach da hramadzian Biełarusi pradstaŭnikami častki siłavoha błoku našaj krainy dla dalejšaha pryciahnieńnia da adkaznaści.

Abmierkavali i padychody Jeŭrapiejskaha Sajuza z boku mahčymych pierśpiektyŭ padtrymki demakratyčnaj dziaržavy Respubliki Biełaruś finansavymi instrumientami, instrumientami ŭ ramkach handlovaj palityki ES da Biełarusi, spraščeńni pracedur ujezda hramadzian Respubliki Biełaruś na terytoryju Jeŭrapiejskaha Sajuza. Usie hetyja pytańni abmierkavanyja dla dalejšaha razhladu ŭ ramkach instytutaŭ Jeŭrapiejskaha Sajuza.

Z boku ŭładaŭ Litvy jość adnaznačnaje razumieńnie taho, što siońniašniaja ŭłada Biełarusi stanovicca nielehitymnaj i dalejšaje ažyćciaŭleńnie kantaktaŭ na vyšejšym uzroŭni nie budzie taksama mahčyma, jak i praviadzieńnie kantaktaŭ na inšych vysokich dziaržaŭnych pasadach — heta stvaraje precendentnuju situacyju ŭ mižnarodnych adnosinach.

Abmierkavanyja pravavyja padychody da akreśleńnia mižnarodnaj pravasubjektnaści Biełarusi paśla zakančeńnia terminu paŭnamoctvaŭ dziejučaha prezidenta krainy.

Łatuška sustreŭsia z namieśnikam kiraŭnika Parłamienta Litvy Hiedyminasam Kirkiłasam, a taksama ministram zamiežnych spraŭ Linasam Linkiavičusam i biełaruskaj dyjasparaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?