19:01

Jašče adna kałona chacieła zajści na płošču, a siłaviki ich nie puskali. Urešcie ludzi prarvalisia.

Niechta idzie ciapier u kaścioł, mnohija — hulać, ale centralizavanaha ruchu niama.

18:51

18:45

Syšli siłaviki, što stajali pierad ludźmi la kaścioła.

18:43

18:20

Ludzi ŭbačyli la darohi aŭtazaki i pieramiaścilisia bližej da kaścioła. Častka syšła. Niekatoryja ŭdzielnicy maršu chodziać z płakatami, na jakich — fotazdymki ludziej, paciarpiełych ad dziejańniaŭ siłavikoŭ.

18:02

Tym časam na płoščy źjaviŭsia AMAP. Saromiejuć i śpiavajuć im: «Vied́ dla sołdata hłavnoje, čtoby dalokaja lubimaja ždała».

Častka ŭdzielnic «Maršu žančyn» syšła z płoščy.

Z hukaŭzmacnialnikaŭ niaspynna hučać papiaredžańni pra niezakonnaje mierapryjemstva i prośby razyścisia. Na heta ŭdzielnicy mitynhu adkazvajuć: «Pajšoŭ preč!»

18:01

17:57

Udzielnicy «Žanočaha maršu» ŭ Minsku zastajucca na płoščy Niezaležnaści. Atmaśfiera tam spakojnaja. A 19-j hadzinie ŭ Čyrvonym kaściole maje pačacca imša, na jakuju pryjduć pradstaŭniki ŭsich kanfiesij.

17:42

Udzielnicy i ŭdzielniki maršu ładziać karahody i śpiavajuć «Kupalinku» na płoščy Niezaležnaści.

17:26

Žančyny arhanizoŭvajucca ŭ vielizarny karahod!

17:20

Žančyny dajšli da płoščy Niezaležnaści. Jany čakajuć chvost kałony, a kab nie było sumna, śpiavajuć «Voiny śviatła» i «Try čarapachi».

17:15

Hałava kałony dajšła da płoščy Niezaležnaści, chvost kala HUMa.

17:10

17:05

Žančyny abstupajuć busiki biez numaroŭ i saromiejuć amapaŭcaŭ: «Kolki kaštuje sumleńnie?» Siońnia ŭdzielnic šeścia pakul nie zatrymlivali.

16:53 

«Žanočy marš» tym časam rušyć u bok płoščy Niezaležnaści. Žančyny zaniali pałovu praśpiekta z boku HUMa, pa druhoj častcy ruchajucca aŭtamabili.

16:50

Milicyja ŭparta sprabuje prymusić žančyn syści z prajeznaj častki, ale jany nie sychodziać i ŭ adkaz skandujuć: «Nas nie spyniš».

16:48

Za kałonaj žančyn jedzie kałona z šaści mikraaŭtobusaŭ biez numaroŭ. Jany padjazdžajuć, jak tolki kałona prasoŭvajecca na 100 mietraŭ, i znoŭ ustajuć u jaje kancy. Pry hetym praśpiekt zastajecca zakryty dla skraznoha prajezdu.

16:43

Na padychodzie da Kastryčnickaj płoščy zatrymali dvuch žurnalistaŭ.

Žančyny na prajeznaj častcy.

16:42

Marš žančyn u Minsku pakul prachodzić absalutna mirna, biez demanstracyi siły AMAPa, jak tydzień tamu. «Jašče adna maleńkaja pieramoha», — skazała «Našaj Nivie» Natalla, jakaja pryjšła z płakatam «Nie čapaj studentaŭ!».

16:35

Niekalki socień žycharak Homiela ciapier biaruć udzieł u «Žanočym maršy». Jon prachodzić pa centry horada, ad univiermaha «Homiel» praz płošču i praśpiekt Lenina, pa praśpiekcie Pieramohi — i znoŭ na ŭniviermah. Kałonu supravadžaje milicyja — pieššu i na UAZach

16:30

Hałava kałony dajšła da cyrka.

16:25

Dziaŭčaty z kałony prymusili ŭdzielnic maršu, jakija pryjšli sa ściahami Jeŭrasajuza i nadpisam Biełaruś u centry, schavać ściahi, abvinavaciŭšy ich u pravakacyi. «Prybiraj! My vyjšli sami!» — skandavali jany.

16:10

DAI pierakryła ruch pa praśpiekcie Niezaležnaści ŭ bok kruhłaj płoščy. Hałava kałony ŭžo na płoščy Pieramohi. Niekatoryja žančyny vyjšli siońnia na pratest u žartoŭnych bałakłavach — heta adkaz na toje, što supracoŭniki milicyi, u tym liku AMAP, chavajuć svaje tvary.

15:59

Chvost kałony pakinuŭ vulicu Charužaj. Hałava na płoščy Pieramohi.

15:53

Mnohija ŭdzielnicy maršu pryjšli z malavanymi i plušavymi pandami, kab padtrymać čatyroch zatrymanych supracoŭnikaŭ IT-kampanii PandaDoc, suprać jakich pačataja kryminalnaja sprava. Top-mieniedžmient kampanii raniej padtrymaŭ pratesty ŭ Biełarusi.

15:36

Kałona žančyn rušyła ad vulicy Charužaj da płoščy Pieramohi.

15:33

«Apłata za mitynh!» — udzielnicam žanočaha maršu razdajuć šakaładnyja manietki.

15:27

Da natoŭpu dziaŭčyn padyšła žančyna, jakaja pačała kazać, što ŭ Biełarusi mir dziakujučy Łukašenku i što pratestoŭcy chočuć vajny. Natoŭp u adkaz pačaŭ skandavać «Sabačku!».

15:16

Užo kala 1000 dziaŭčat i žančyn na Kamaroŭcy. Skandujuć: «My zdieś vłasť», «Vierym, možam, pieramožam», «Heta naš horad», «Kvietki lepš za kuli». Pryjšli milicyjanty, zaklikajuć razyścisia, dziaŭčaty kryčać im: «Hańba» i «Pajšli preč».

15:10

Dźvie sotni žančyn tut užo jość: chto ŭ biełym, chto ŭ čornym, chto ŭ čyrvonym. Šmat bieł-čyrvona-biełych ściahoŭ, ale jość taksama ispanski, litoŭski, italjanski.

14:55

Kałony i šmatlikija hrupy žančyn ruchajucca da Kamaroŭki. Žančyny pieravažna apranutyja ŭ čornaje. Niekatoryja niasuć ściahi roznych krain.

Kala «Lido» la Kamaroŭskaha rynku sabralisia niekalki dziasiatkaŭ čałaviek.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?