Kala Leninskaha RUUS u Miensku sabralisia baćki zatrymanych 5 vieraśnia studentaŭ. Medyki, jakija dziažurać pobač, kažuć, što jašče nia bačyli zatrymanych, ale «mocna paciarpiełych niama», paviedamlaje Tut.by.

«U adnaho chłopca padniaŭsia cisk, i, sa słoŭ jašče adnaho, pry zatrymańni jamu paškodzili ruku. Zaraz my pajedziem u šostuju balnicu rabić zdymak», — raspaviali medrabotniki Tut.by.

Pradstaŭnica presavaj słužby MUS Natalla Hanusievič paviedamiła «Svabodzie», što nia maje dakładnaj infarmacyi pra zatrymanych siońnia studentaŭ. Taksama nie zmahła paćvierdzić, ci atrymaŭ chtości ź ich paškodžańni pry zatrymańni. Jana paćvierdziła, što siońnia było zatrymana kala 30 čałaviek.

Tut.by parazmaŭlaŭ kala RUUS sa studentam fakulteta mižnarodnych adnosin BDU Daniiłam. Pry zatrymańni chłopcu paškodzili ruku. Jamu inkryminujuć udzieł u niesankcyjanavanym masavym mierapryjemstvie i niepadparadkavańnie supracoŭnikam milicyi. Chłopca buduć sudzić.

«Ale nijakich patrabavańniaŭ mnie nie pradjaŭlali. Padjechali nieviadomyja na mikraaŭtobusie biez numaroŭ, biaz formy i jakich-niebudź apaznavalnych znakaŭ, paciahnuli ŭ mašynu. Razadrali kaleni, pakul ciahnuli, paškodzili ruku», — kaža jon.

Baćki kala RUUS vielmi pieražyvajuć za dziaciej, reahujuć na kožnaje adčynieńnie dźviarej u nadziei, što vypuściać ich syna. Pa słovach tych, chto sabraŭsia, tam tolki adna dziaŭčyna — Kaciaryna Isajeva, pieršakurśnica bijafaku BDU.

Studenty 5 vieraśnia znoŭ vyjšli na «Marš salidarnaści». Da paŭdnia studenty mienskich universytetaŭ stali padychodzić da kinateatru «Kastryčnik» na praspekcie Niezaležnaści. Jany stali nievialikimi hrupami pa niekalki dziasiatkaŭ čałaviek, niekatoryja trymali bieł-čyrvona-biełyja ściahi. A 12:05 tam užo pačali zatrymlivać. Ludzi ŭ cyvilnym i ŭ maskach zatrymali prynamsi dvuch chłopcaŭ i adviali ich u mikraaŭtobus biez numaroŭ.

Na vulicy Karła Marksa zatrymali zvyš 15 čałaviek, jakija išli ŭ studenckim maršy, piša Onliner.by: «Zabirali ŭsich chłopcaŭ».

Клас
Панылы сорам
Ха-ха
Ого
Сумна
Абуральна