Telekanał STB pakazaŭ videazvarot šoŭmienaŭ Dźmitryja Kachno i Dzianisa Dudzinskaha, dzie jany źviarnulisia da biełarusaŭ i zaklikali nie ździajśniać supraćzakonnych dziejańniaŭ.

— Na svaim prykładzie chaču pieraścierahčy ŭsich tych, chto źbirajecca vychodzić na niezakonnyja mitynhi, akcyi i šeści ab nastupstvach. Nastupstvy buduć, nastupstvy buduć abaviazkova. I nastupstvy nie takija miakkija mohuć być, jak vy pra heta dumajecie, — kaža Dudzinski ŭ videazvarocie.

— Nie rabicie vy supraćzakonnych dziejańniaŭ, — zaklikaŭ jon.

Kachno źviarnuŭsia z anałahičnym pasyłam:

— Na svaim asabistym prykładzie ja chaču pieraścierahčy kožnaha, chto źbirajecca vyjści na niezakonna ŭzhodnienyja šeści pra tuju zakonnuju adkaznaść, jakuju pryjdziecca panieści.

Viadučyja ŭ zvarocie vykarystoŭvajuć šabłonnyja pratakolnyja frazy, što prymušaje ŭsumnicca ŭ ščyraści i dobraachvotnaści hetych pramovaŭ.

Viadučyja adbyvajuć administracyjny aryšt u 10 sutak za «ŭdzieł u niesankcyjanavanym mierapryjemstvie». Ich zatrymali 2 vieraśnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?