U Čyrvonym kaściole Miensku vierniki ŭsich kanfesij sabralisia na imšu «za ŭsich cierpiačych u viaźnicach, za tych, chto źnik u apošni čas u Biełarusi», piša Svaboda.

Padčas imšy ŭ Čyrvonym kaściole biskup Jury Kasabucki zhadvaŭ siońniašnija žorstkija zatrymańni studentaŭ na vulicy Karła Marksa ŭ Miensku.

«U krainie ludzi sa stracham hladziać na ludziej, jakija pavinnyja ich abaraniać», — kazaŭ śviatar.

Taksama biskup Kasabucki padčas imšy nazvaŭ biełaruskich žančyn hierojami našaha času.

Vierniki razam pamalilisia za viartańnie ŭ Biełaruś mitrapalita Kandrusieviča. U parušeńnie zakona biełaruskija ŭłady nie ŭpuścili jaho ŭ Biełaruś.

Na siońniašniaj imšy byli zamiežnyja dyplamaty.

Paśla imšy vierniki vyjšli z Čyrvonaha kaścioła na pracesiju vakoł budynku dziela viartańnia mitrapalita Kandrusieviča. Padčas pracesii vierniki zapalili lichtaryki telefonaŭ i praśpiavali «Mahutny boža».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?