Žorstkija zatrymańni adbyvajucca ŭ horadzie adrazu paśla Maršu adzinstva. Zdajecca, siłaviki sprabujuć začyścić centr: čytačy paviedamlajuć ab zatrymańniach na Pieramožcaŭ, na płoščy Svabody i ŭ Hrušaŭcy.

Častka ludziej zabiehła ŭ kaviarniu na praśpiekcie Pieramožcaŭ, a haspadary ŭstanovy zakryli ŭvachod u jaho. Siłaviki ŭ cyvilnym pałkami raźbili dźviery, vyciahnuli adtul ludziej. Ludzi sprabavali zastupicca za zatrymanych, ale heta tolki pravakavała dadatkovuju ahresiju.

Siłaviki vykonvajuć płan pa zatrymańniaŭ i źbićci. Inakš niemahčyma patłumačyć hetyja karnyja akcyi praź dźvie hadziny paśla skančeńnia Maršu adzinstva.

Pakul išli sotni tysiač demanstrantaŭ, napadaŭ nie było. Ataki pačalisia na chvastach, kali praśpiektami Pieramožcaŭ i Mašerava adychodzili apošnija tysiačy.

Клас
0
Панылы сорам
0
Ха-ха
0
Ого
0
Сумна
0
Абуральна
0