Ministerstva infarmacyi Biełarusi 7 vieraśnia vyniesła piśmovaje papiaredžańnie partału TUT.BY z farmuloŭkaj «za raspaŭsiud niedakładnaj infarmacyi, jakaja moža nanieści škodu dziaržaŭnym abo hramadskim intaresam».
25 žniŭnia 2020 hoda na sajcie Finance.tut.by byŭ apublikavany artykuł pad nazvaj «Kamitet dziaržkantrolu zmoža vypłacić bujnyja premii rabotnikam, jakija prajaviać siabie ŭ rezanansnych spravach». U hetym artykule aŭtaram sapraŭdy była dapuščana nienaŭmysnaja pamyłka, piša Tut.by, a mienavita niapravilna byli paznačanyja pamiery premij, jakimi kiraŭnictva Kamiteta dziaržkantrolu i orhanaŭ finansavych rasśledavańniaŭ zmohuć finansava zaachvočvać svaich rabotnikaŭ, jakija prymali «aktyŭny ŭdzieł u vyjaŭleńni, vykryćci, abiasškodžvańnie i zatrymańni asob, što ŭčynili najbolš niebiaśpiečnyja złačynstvy ź vialikim hramadskim rezanansam».
Papiaredniaje papiaredžańnie TUT.BY atrymaŭ roŭna miesiac tamu — 7 žniŭnia.
U adpaviednaści z Zakonam ab ŚMI, u vypadku vyniasieńnia ŭładalniku sietkavaha vydańnia dvuch i bolš piśmovych papiaredžańniaŭ na praciahu hoda dostup da sietkavaha vydańnia moža być abmiežavany.
Rašeńnie ab hetym prymaje Mininfarm.
