MUS u svaim telehram-kanale paviedamlaje, što ŭ niadzielu, 13 vieraśnia, na vuł.Cichaja ŭ Drazdach «ahresiŭny natoŭp akazaŭ supraciŭ supracoŭnikam milicyi, jakija achoŭvali hramadski paradak».
U napadnikaŭ byli humovyja pałki i vadapravodnyja truby. Pratestoŭcy zakidali milicyjantaŭ kamianiami i butelkami. Cialesnyja paškodžańni pryčynienyja čatyrom supracoŭnikam AMAP, paškodžany słužbovy transpart, adznačajecca ŭ paviedamleńni.
Padkreślivajecca, što adzin mužčyna schapiŭ milicyjanta za kurtku, pavaliŭ na ziamlu i vychapiŭ biasstvolny traŭmatyčny pistalet «Asa». Amapaviec viarnuŭ zbroju i zrabiŭ papieradžalny streł uvierch. Mužčynu zatrymali, im akazaŭsia 46-hadovy raniej sudzimy.
Druhomu napadniku — 26 hadoŭ.