Fota Nadziei Bužan

Fota Nadziei Bužan

Alaksandr Łukašenka na sustrečy z prezidentam Rasii Pucinym zajaviŭ, što «z uśmieškaj» sočyć za tym, što adbyvajecca ŭ krainie. Jon taksama padziakavaŭ Pucinu i inšym, chto «maje dačynieńnie», za padtrymku. Zajavu tranślavaŭ kanał Russia Today, piša Tut.by. 

— U nas u subotu marš žančyn i dziaŭčat, u niadzielu — ahulny marš. U subotu i niadzielu. U zvyčajnyja dni kraina žyvie zvyčajnym žyćciom. Dy i ŭ subotu i niadzielu častka Minska my vyzvalajem, kab ludzi mahli, kali ŭ ich jość žadańnie, prajścisia pa hetaj častcy. Ale hałoŭnaje, i ja heta ŭvieś čas kažu, nie pierachodzić rysu.

Łukašenka rastłumačyŭ, što jość peŭnyja «čyrvonyja linii», jakija nielha pierachodzić, i pakul ich nichto nie parušaŭ, ale pakul «hetaja badziaha tudy-siudy kačajecca».

Jon paabiacaŭ Pucinu potym padrabiazna raskazać ab tym, što adbyvajecca ŭ krainie, zajaviŭšy, što ŭsio na samaj spravie nie tak, jak padajuć ŚMI.

Łukašenka taksama padziakavaŭ asabista Pucinu, a taksama ŭsim tym rasijanam, «chto byŭ datyčny da taho, kab padtrymać nas u postvybarny čas».

Pavodle słoŭ Łukašenki, z taho nieabchodna atrymać uroki. Jon taksama adznačyŭ, što apošnija padziei pakazali, što Biełarusi «treba bolš ciesna trymacca sa starejšym bratam i supracoŭničać pa ŭsich pytańniach».

— My nie vajavali, my nie stralali, my nie kidalisia navat pałkami ŭ Biełarusi, dva baki, jakija supraćstajać, ale prademanstravali svaju rašučaść, što kali tam, za miežami biełaruskich miežaŭ, kamuści chočacca pačasać ruki, my možam pačasać u luby momant. I što, mnie vielmi pryjemna, ja vam vielmi ŭdziačny, vy prademanstravali heta, što biełaruskija miežy — heta miežy Sajuznaj dziaržavy.

Pavodle jaho słoŭ, padziei ŭ krainie — heta vielmi surjozny ŭrok, jaki i Maskva, i Minsk vytrymali.

— Heta nam urok — nie tolki Biełarusi i Rasii, ale i našym postsavieckim respublikam. Ab hetym my budziem jašče havaryć na sustrečy JEAES, pierš za ŭsio, ADKB, tak i ŭ ramkach SND jość, ab čym pahavaryć, dumaju, vam cikava budzie majo zajavu ŭ hetych strukturach.

Клас
Панылы сорам
Ха-ха
Ого
Сумна
Абуральна