U aficyjnym telehram-kanale pres-sakratara MUS Čamadanavaj źjaviłasia infarmacyja ab tym, što MUS spyniła dziejnaść «lasnoha» atrada.
U sacyjalnych sietkach stvoranaja supołka «Partyzany Mahilova», kudy ŭvachodziła 64 karystalniki.
— Papiarednie ŭstanoŭlena, što ŭdzielniki hrupy źbiralisia ŭ zakinutym pamiaškańni ŭ lesie pad Mahilovam. Tam jany treniravalisia: adpracoŭvali praktyčnyja navyki taktyki viadzieńnia vuličnych bajoŭ, zachopu pamiaškańniaŭ, šturmavoha alpinizmu i viadzieńnia bajavych dziejańniaŭ u lesie, — havorycca ŭ paviedamleńni MUS.
Taksama pres-sakratar MUS zajaŭlaje, što asobnyja ŭdzielniki hrupy vyrablali samarobnyja zapalnyja pryłady i pravodzili ich vyprabavańni.
Paviedamlajecca, što supracoŭnikam 11-a ŭpraŭleńnia (pa Mahiloŭskaj vobłaści) HUBAZiK MUS pry siłavoj padtrymcy AMAP UUS 13 vieraśnia padčas čarhovaj treniroŭki zatrymanyja 6 aktyŭnych udzielnikaŭ hrupy.
Raspačata kryminalnaja sprava ŭ dačynieńni da čatyroch aktyŭnych udzielnikaŭ hrupoŭki. Heta maładyja ludzi va ŭzroście ad 16 da 22 hadoŭ. Ich zatrymali i pasadzili ŭ izalatar. Im pahražaje pazbaŭleńnie voli terminam da 5 hadoŭ.
