U Hrodnie 27 vieraśnia zatrymali 49-hadovaha žychara Mastoŭ Andreja Sieviartoka, jaki ŭ abłasny centr pryjechaŭ admysłova, kab paŭdzielničać u niadzielnym mitynhu. Padčas zatrymańniaŭ la moładzievaha centra «Hałaktyka» mužčyna pasprabavaŭ adbić takoha ž mitynhoŭca ŭ AMAPa, paśla čaho byŭ sam zatrymany — ciapier jamu pahražajuć kryminalnym pieraśledam.
U pačatku razmovy mužčyna pryznajecca, što ŭ 1996 byŭ asudžany za rekiet, u 2005-m — za zabojstva.
— Za što vy zatrymany?
— Paniaćcia nie maju.
***
— Što vy rabili ŭ Hrodna, kali vy z horada Masty?
— Pryjechaŭ na mitynh.
— Dla čaho?
— Jak dla čaho: hramadzianskuju pazicyju svaju pakazać.
— A čamu ŭ Mastach jaje nie pakazvajecie?
— U Mastach nie było mitynhu.
— Vy z hetaj metaj pryjechali z horada Masty?
— Tak.
***
— Ź jakoj metaj vy nanieśli ŭdar u tvar supracoŭnicy AMAPa?
— Pa-pieršaje, ja nie viedaŭ, što heta supracoŭnica, bo była ŭ mascy, šlemie i łatach — heta raz. Druhoje: ja ŭ tvar nie biŭ. Na joj byŭ šlem z zabrałam — pasprabujcie ŭdaryć u tvar rukoj u šlem z zabrałam! Ja prosta admachvaŭsia, moža być, vypadkova. Jaki durań budzie ŭ šlem bić?!
— Paśla hetaha vy nanieśli ŭdar nahoj. Dla čaho?
— Ja nahoj nie pamiataju, kab nanosiŭ. Tam usio tak było, moža, dzie vypadkova.
***
— Dla vas była «hramadzianskaja pazicyja» heta kahości… Što zrabić?
— Dla mianie heta bandyty.
— A, dyk dla vas heta bandyty?
— Tak
***
— Vy supraćzakonna nanieśli cialesnyja paškodžańni supracoŭniku AMAPa.
— Jakija cialesnyja paškodžańni? (śmiajecca)
— To-bok vy nie pryznajacie ni vinu, ničoha.
— Nie, nie pryznaju, kaniečnie. Vyrašyŭ nie toje kab adbić, a padtrymać, dapamahčy.
— Kamu dapamahčy: heta vašaja znajomaja?
— Nie, ale ja dumaju, taksama čałaviek pryjšoŭ vykazać svajo mierkavańnie, adstajać svaju pazicyju.
