«Robim usio mahčymaje, kab vy ŭsie vyjšli», — skazała Śviatłana Cichanoŭskaja mužu ŭ telefonnaj razmovie, jakuju niečakana dazvolili Siarhieju Cichanoŭskamu ŭ toj ža dzień, kali Łukašenka sustreŭsia z hrupaj palitviaźniaŭ u SIZA KDB.
«Bolš ćviordymi treba być», — paraiŭ Siarhiej Cichanoŭski žoncy ŭ kancy frahmienta razmovy, zapis jakoha apublikavała Cichanoŭskaja. «Značyć, budziem bolš ćviordymi», — adkazała jana.
Voś videa:
Cichanoŭski ŭ kursie taho, što Śviatłana Cichanoŭskaja sustrakałasia z prezidentam Francyi i kanclerkaj Hiermanii.
Zdajecca, Cichanoŭskaha, jak i Kaleśnikavaj, Sieviarynca i Statkieviča, nie było na 4,5-hadzinnaj sustrečy Łukašenki z palitviaźniami ŭ SIZA KDB. Prynamsi, ich tvaraŭ nie vidać na tych frahmientach videa i fota, jakija apublikavali dziaržaŭnymi ŚMI.