13 kastryčnika ŭ Biełarusi praciahvalisia zatrymańni aktyvistaŭ i ŭdzielnikaŭ akcyj pratestu, paviedamlajuć pravaabaroncy-viasnoŭcy.
Ranicaj u Mahilovie byŭ zatrymany palityk Uładzimir Šancaŭ. Supracoŭniki milicyi zajavilisia da jaho prosta dadomu i zapatrabavali, kab jon prajechaŭ ź imi, nibyta «pahutaryć». U RAUS na jaho chacieli skłaści pratakoł za akcyju 17 vieraśnia, za jakuju jaho raniej užo asudzili. U vyniku Šancava adpuścili biez pratakoła.
U Minsku dniom kala Akademii navuk supracoŭnikami ŭ maskach i formie biez apaznavalnych znakaŭ byŭ zatrymany supracoŭnik Instytuta historyi Uładzimir Šypiła. Jaho dastavili ŭ sud Pieršamajskaha rajona i tam asudzili na 7 sutak aryštu.
Taksama paviedamlajecca pra zatrymańni ŭ stalicy nastupnych ludziej:
- Abramčuk Raman
- Hulidaŭ Uładzimir — zatrymany na praśpiekcie Mašerava, dzie stajaŭ u łancuhu salidarnaści.
- Dubovik Dźmitryj
- Kašnikaŭ Aleh
- Kułahina Natalla — adpuścili z RUUS Kastryčnickaha rajona
- Łysienka Daniił
- Niežaviec Alaksandr
- Patapienka Dźmitryj
- Radźko Nadzieja
- Taraskievič Dźmitryj — CIP na Akreścina
- Umiecki Maksim — RUUS Frunzienskaha rajona
U Navapołacku ŭ hety dzień byli zatrymany Kapšul Alaksandr, Piečaniehaŭ Dźmitryj, Białoŭ Alaksandr. Na ŭsich skłali pratakoły pa art. 23.34 KaAP za ŭdzieł u akcyi 11 kastryčnika. 14 kastryčnika musić adbycca sud.
