Viarchoŭny pradstaŭnik ES pa zamiežnych spravach i palitycy biaśpieki Žazep Barel syšoŭ na samaizalacyju paśla pajezdki ŭ Efiopiju. Vyśvietliłasia, što adzin z členaŭ jaho delehacyi byŭ infikavany karanavirusam. Pra heta Barel napisaŭ u tvitary.
«Ja atrymaŭ infarmacyju ŭ aŭtorak u druhoj pałovie dnia, što adzin z členaŭ delehacyi, jakaja jeździła sa mnoj i jeŭrakamisaram [pa antykryzisnym kiravańni] Janiezam Lenarčyčam u Efiopiju na minułym tydni, zdaŭ pazityŭny test na karanavirus. Ja prajšoŭ test pa viartańni ŭ niadzielu, i jon byŭ admoŭnym. Ja sychodžu na samaizalacyju ŭ adpaviednaści ź dziejučymi normami i budu čakać druhoha testu», — napisaŭ jon.
U Bielhii paśla luboha kantaktu ź infikavanym treba vytrymać karancin i zdać dva testy.
0
0
0
0
0
0
