Nacbank abnaviŭ statystyku pa hrašovaj masie. Danyja rehulatara pakazvajuć mahutny adtok srodkaŭ nasielnictva z bankaŭskich depazitaŭ, piša banki24.by.

U vieraśni siarednija na rublovych pieravodnych depazitach fizičnych asob było 2,866 młrd BYN. U paraŭnańni sa žniŭniem ličba mienšaja na 722,6 młn BYN. Takoje vialikaje skaračeńnie nie charakterna dla vieraśnia, jano tłumačycca devalvacyjaj biełaruskaha rubla i kanviertavańniem častki źbieražeńniaŭ u valutu.

Inšyja depazity fizičnych asob (čytaj: terminovyja ŭkłady) u «zajčykach» skłali 4,602 młrd BYN. U paraŭnańni sa žniŭniem siarednija reštki skaracilisia na 215,4 młn BYN.

Zrešty, biełarusy zachoŭvajuć u rublach mienš traciny źbieražeńniaŭ. U vieraśni dola rublovych instrumientaŭ skłała ŭsiaho 31,6%. Heta značyć, što astatnija 68,4% byli naminavanyja nie ŭ rublach — redki prykład niedavieru da ŭłasnaj valuty i palityki ŭładaŭ.

U vieraśni siaredniaja rešta na valutnych rachunkach biełarusaŭ skłała 6,199 młrd USD. Heta na 706,2 młn USD mieniej, čym u žniŭni. Adtok srodkaŭ nasielnictva fiksujecca z krasavika: za hety čas z valutnych depazitaŭ vyciekła 1,428 młrd USD.

Na kart-rachunkach fizičnych asob u vieraśni 2020-ha zastałosia 1,230 młrd USD. Adnosna žnivieńskaha značeńnia padzieńnie skłała 259,2 młn USD. Padobna na toje, što biełarusy aktyŭna kanviertavali bieznajaŭnuju valutu ŭ keš i chavali jaje ŭ skarbonki.

Terminovyja ŭkłady nasielnictva ŭ siarednim za vierasień skłali 4,969 młrd USD. U paraŭnańni z žniŭniem astatak układaŭ źmienšyŭsia na 447,1 młn USD. Bolš za ŭsio valuty na terminovych układach biełarusy zachoŭvali ŭ kastryčniku 2015 hoda. Z tych časoŭ fizasoby zabrali z bankaŭ 2,860 młrd USD.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?