13 kastryčnika Rada Jeŭropy vystupiła z zajavaj nakont situacyi ŭ Biełarusi.
«My samym rašučym čynam asudžajem luboje dalejšaje prymianieńnie hvałtu ŭ Biełarusi, u tym liku niesuvymiernaje vykarystańnie siły ŭładami suprać udzielnikaŭ pratestu, pra što niadaŭna paviedamlałasia.
My, u pryvatnaści, zaklikajem da niaŭchilnaha vykanańnia pravoŭ žurnalistaŭ.
Masavyja aryšty mirnych udzielnikaŭ pratestaŭ i šmatlikija vypadki žorstkaha abychodžańnia ź imi niedapuščalnyja na našym kantyniencie. My rašuča paćviardžajem svaju pazicyju, što ŭsie zatrymanyja pavinny być vyzvalenyja i što ŭ metach praviadzieńnia takoj doŭhačakanaj usimi žycharami krainy kanstytucyjnaj reformy nieabchodna pačać sapraŭdny pavažlivy dyjałoh z pradstaŭnikami hramadzianskaj supolnaści.
Pieramovy nakont vychadu z kryzisu i praviadzieńnia kanstruktyŭnych reformaŭ niemahčyma vieści vyklučna z praŭradavymi siłami. Jany nie buduć paśpiachovymi, kali ŭ ich nie buduć udzielničać usie baki, uklučna z tymi, chto ŭ apazicyi da ŭładaŭ.
Rada Jeŭropy hatovaja dapamahčy Biełarusi na šlachu da praviadzieńnia sapraŭdnych reformaŭ», havorycca ŭ zajavie.