Prakuratura Centralnaha rajona Minska nakiravała ŭ sud kryminalnuju spravu suprać 20-hadovaha Ł.
Maładoha čałavieka vinavaciać pa dvuch artykułach — chulihanstva (č. 1 art. 339) i naŭmysnaje paškodžańnie asabliva kaštoŭnych historyka-kulturnych kaštoŭnaściaŭ (č. 2 art. 344).
14 žniŭnia jon aerazolnym bałončykam namalavaŭ koła ź linijaj nad im na skulptury maci-Radzimy, jakaja źjaŭlajecca častkaj architekturna—skulpturnaha kompleksu «Abielisk «Minsk — horad-hieroj».
«Tym samym jon adkryta ździekavaŭsia sa zvyčajaŭ i tradycyjaŭ biełaruskaha naroda, asabliva kaštoŭnych kulturnych dasiahnieńniaŭ krainy, apahaniŭ uviekaviečanuju pamiać udzielnikaŭ i zahinułych padčas bajavych dziejańniaŭ u čas Vialikaj Ajčynnaj vajny», — adznačajuć u Hienprakuratury.
Škoda kompleksu acenienaja ŭ 425 rubloŭ. Chłopiec jaje całkam kampiensavaŭ.
