Blizki da pres-słužby Łukašenki telehram-kanał «Puł pieršaha» paviedamlaje, što Maryju Kaleśnikavu na sustreču z Alaksandram Łukašenkam, što prajšła ŭ subotu ŭ SIZA KDB, nie zaprašali.
Advakat Maryi Kaleśnikavaj Alaksandr Pylčanka ŭčora raspavioŭ, što ŭ piatnicu da jaje pryjazdžali dvoje mužčyn i razmaŭlali ź joj na hetuju temu.
«Akazvajecca, u piatnicu da Maryi pryjazdžali dvoje miłavidnych mužčyn, jak jana skazała, i razmaŭlali ź joj na hetuju temu, ci nie chočacie parazmaŭlać [z Łukašenkam]. Maryja takaja kreatyŭnaja dziaŭčyna, vidać, ich troški napałochała. Skazała: nu čaho ciapier kantaktavać, paŭtara miesiaca tamu my prapanoŭvali ŭsio heta spynić [hvałt], ciapier usio ŭ turmie abo vydvaranyja z krainy. Da taho ž, vy nie pradstavilisia, chopić, mianie ŭžo pavazili pa Biełarusi paŭtara sutak i ja nie viedała, dzie znachodžusia. Voś kali pradstaviacca ludzi, skažuć, chto jany i kudy viazuć, kab ja nie bajałasia jechać. Ciapier, skazała, u Žodzinie ŭ izalatary joj spakajniej, čym jeździć ź nieznajomymi ludźmi, — raspavioŭ Pylčanka.