Pradstaŭnik kampanii Lufthansa Technik abvierhnuŭ paviedamleńnie pra admovu rabočych pravodzić techabsłuhoŭvańnie biełaruskaha samalota, na jakim, jak ličycca, lotaje Alaksandr Łukašenka, piša Deutsche Welle.
«Servisnaje absłuhoŭvańnie źmieščanych ciapier u nas u Hamburhu ŭsich samalotaŭ našych klijentaŭ pravodzicca ŭ adpaviednaści z hrafikam», — taki adkaz 15 kastryčnika atrymała DW ad aficyjnaha pradstaŭnika kampanii Lufthansa Technik u Hamburhu Volfhanha Rajnierta na pytańnie ab tym, ci praŭda što supracoŭniki hetaj firmy admovilisia pravodzić rehularnyja servisnyja raboty pa absłuhoŭvańni samalota Alaksandra Łukašenki.
Raniej u ŚMI źjaviłasia infarmacyja, što supracoŭniki Lufthansa Technik nie stali absłuhoŭvać samalot Łukašenki z-za padaŭleńnia pratestaŭ u Biełarusi.
