U Biełarusi z 9 žniŭnia zaviali bolš za 400 kryminalnych spraŭ za parušeńnie hramadskaha paradku. Pra heta raspavioŭ hienieralny prakuror Andrej Švied u efiry BT.
Fota Nadziei Bužan
Pa słovach Švieda, mnohija z hetych spraŭ užo na stadyi zaviaršeńnia papiaredniaha rasśledavańnia, usie vinavatyja paŭstanuć pierad sudom.
Što ž tyčycca zajaŭ hramadzian, jakija paciarpieli ad dziejańniaŭ siłavikoŭ, to, jak adznačyŭ Švied, «u nas pravavaja dziaržava».
— Niama nivodnaha fakta, kab zajavu-paviedamleńnie hramadzianina ab ździajśnieńni ŭ dačynieńni da jaho supraćpraŭnych dziejańniaŭ nie zarehistravali i nie razhledzieli va ŭstanoŭlenym paradku. Na ŭsio svoj čas, jość pracesualnyja terminy, buduć pryniatyja zakonnyja rašeńni pa kožnym paviedamleńni, — zapeŭniŭ jon.
