Lehiendarny biełaruski futbalist Alaksandr Chackievič zaraz treniruje rasijski «Rotar». Jon padzialiŭsia z «Čempijanatam» mierkavańniem ab tym, što adbyvajecca ŭ Biełarusi paśla vybaraŭ prezidenta.
Tut.by
— Na radzimie časta byvajecie?
— Apošni raz byŭ dva hady tamu. U Biełarusi zastalisia mama i tata. U minułym hodzie jany haściavali ŭ mianie ŭ Kijevie.
— Nie mahu nie spytać pra toje, što adbyvajecca ŭ Biełarusi.
— Ja hladžu naviny, šukaju infarmacyju ŭ sacyjalnych sietkach, tamu što pa TB nie pakazvajuć za ŭsio, što adbyvajecca na vulicy. Čytaju, maju znosiny ź siabrami. Mnie vielmi baluča bačyć toje, što tam robicca. Tryvožna na sercy, u tym liku za baćkoŭ.
Ciapier u Biełarusi nichto nie abaronieny — nijakich pravoŭ niama ŭ ludziej. Pa-mojmu, Mandeła skazaŭ: «Kiraŭnik, jaki źniščaje svoj narod, zabivaje dziaržavu. A kiraŭnik, jaki šukaje prymireńnia, stvaraje nacyju».
Biełaruski pratest bolš mirny i mienš arhanizavany ŭ paraŭnańni z ukrainskim, ale, kali ludzi masava vyjšli na vulicy, heta značyć adno: prosty narod daviali, — skazaŭ Chackievič.
