Siońnia skončyŭsia 72-hadzinny termin zatrymańnia žurnalista Tut.by Kaciaryny Barysievič. Jana nie vyjšła na svabodu i zastajecca ŭ SIZA KDB da vystaŭleńnia abvinavačvańnia — jak minimum da 29 listapada. Kaciaryna prachodzić padazravanaj pa č. 3 art. 178 KK — raskryćcio ŭračebnaj tajamnicy, jakoje pryviało da ciažkich nastupstvaŭ. Kryminalnuju spravu zaviała Hienieralnaja prakuratura.

Viečaram 19 listapada Kaciaryna Barysievič była zatrymanaja supracoŭnikami ŭ cyvilnym i ŭ maskach, jakija paśla pieratrusu ŭ kvatery pavieźli jaje ŭ nieviadomym kirunku. Krychu paźniej Kaciaryna paviedamiła dačce i kaleham, što jana ŭ SIZA KDB, 20. listapada adbyŭsia pieršy dopyt. Jak viadoma z paviedamleńniaŭ Hienprakuratury, raspačata kryminalnaja sprava pa fakcie vydavańnia ŭračebnaj tajny. Havorka idzie pra stan zahinułaha Ramana Bandarenki, Kaciaryna była aŭtaram artykuła, dzie pakazvałasia, što ŭ jaho kryvi nie było ałkaholu. Z advakata žurnalista Michaiła Badnarčuka ŭziali padpisku pra nierazhałošvańnie, tamu padrabiaznaściaŭ kryminalnaj spravy my nie viedajem.

Hienieralnaja prakuratura raspačała kryminalnuju spravu ŭ dačynieńni da lekara balnicy chutkaj miedycynskaj dapamohi i inšaj asoby na padstavie č. 3 art. 178 KK (Razhałašeńnie miedyčnaj tajamnicy, jakoje paciahnuła ciažkija nastupstvy).

Raskryćcio ŭračebnaj tajamnicy, jakoje paciahnuła ciažkija nastupstvy, karajecca pazbaŭleńniem voli na termin da troch hadoŭ sa štrafam i z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?