Kiraŭnik Administracyi prezidenta pravioŭ kalehiju pa pytańni «Ab vynikach pravierki rabot z kirujučymi kadrami ŭ dziaržorhanach i inšych arhanizacyjach i mierach pa jaje ŭdaskanaleńni», pieradaje karespandent BIEŁTA.

«Kadravyja rekamiendacyi pišucca dziela ptušački pad kapirku, paŭtarajučy staryja charaktarystyki słova ŭ słova. Niama za hetaj rekamiendacyjaj kankretnaha čałavieka, kankretnaj asoby», — krytykavaŭ Uładzimir Makiej, całkam u duchu kadravych naradaŭ savieckaje pary.

Pavodle jaho słoŭ, asobnyja kiraŭniki nie ŭnikajuć u kadravyja pytańni svajoj dziejnaści. Asabliva heta ŭłaściva kiraŭnikam respublikanskich orhanaŭ. Tut vidavočny šmatlikija vypadki zamoŭčvańnia ahrechaŭ u kadravaj rabocie, padmiena sapraŭdnych pryčyn vyzvaleńnia ad pasady», — narakaŭ kiraŭnik Administracyi prezidenta.

Tak, u Ministerstvie pramysłovaści na praciahu 2006‑2008 hadoŭ 12 kiraŭnikoŭ byli vyzvaleny ad zajmanych pasadaŭ za nievykanańnie prahnoznych pakazčykaŭ i niepryniaćcie mier pa vyvadu pradpryjemstvaŭ z kryzisnaha stanovišča. U 10 z hetych 12 vypadkaŭ farmuloŭki pryčyn zvalnieńnia hučali jak «pahadnieńnie bakoŭ».

Karcinu Makiej namalavaŭ biazradasnuju: «amal usiudy vyjaŭleny fakty farmalizmu, pratekcyjanizmu, siamiejnaści, ihnaravańnia narmatyŭna-pravavoj bazy». Pra siamiejnaść prahučała asabliva mocna.

Makiej zaklikaŭ vyłučać na vyšejšyja pasady asobaŭ, zdolnych da tvorčaha myśleńnia.

Varta adznačyć, što za apošnija hady vialikaje abmaładžeńnie kadraŭ adbyłosia na rajonnym kiraŭničym uzroŭni, asabliva ŭ halinie ekanomiki. Cikava, što ŭ apošni čas pieravahu stali addavać ludziam ź viedańniem zamiežnych movaŭ. Ciapier Makiej sprabuje prasunuć maładziejšyja kadry na nacyjanalny ŭzrovień.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?